ଘସିପୁରା (ବଡ଼ ଖବର ବ୍ୟୁରୋ):କେନ୍ଦୁଝର ଜିଲ୍ଲା ଘସିପୁରା ବ୍ଲକ କେଶଦୁରାପାଳ ଗାଁର ଗ୍ରାମଦେବତୀ ମା’ମଙ୍ଗଳାଙ୍କ ପୀଠରେ କଣ୍ଟାଫୋଡା ଯାତ୍ରା ବେଶ ପ୍ରସିଦ୍ଧ । ସଂକ୍ରାନ୍ତି ପୂର୍ବଦିନ ଗ୍ରାମଦେବତୀଙ୍କ ନିକଟରେ ବିଞ୍ଚୁଣି ଓଷା ପାଳିତ ହୋଇଛି । ସଂକ୍ରାନ୍ତିରେ ଶ୍ରଦ୍ଧାଳୁ ମାନେ ଉପବାସ ବ୍ରତ ରଖି ନିଜ ପରିବାରର ତଥା ଅଞ୍ଚଳର ମଙ୍ଗଳ କାମନା କରି ଏହି ଓଷା ପାଳନ କରିଛନ୍ତି । ସେହିଭଳି ଭଦ୍ରକ ଜିଲ୍ଲା ତିହିଡି ବ୍ଲକ ନରେନ୍ଦ୍ରପୁର ପଞ୍ଚାୟତ ଅଧିନ ଛତ୍ରପଦା ଗାଁରେ ମା ପାଟଣମଙ୍ଗଳା ଏକ ଅନ୍ୟନ ଶକ୍ତିପୀଠ। ଏଠାରେ ପଣା ସଂକ୍ରାନ୍ତି ୫ଦିନଧରି ବହୁ ଆଡମ୍ବରରେ ପାଳନ ହୋଇଛି ।
ସଂକ୍ରାନ୍ତି ପୂର୍ବ ଦିନରୁ ବହୁ ଦୁରଦୁରାନ୍ତରୁ ମାଙ୍କ ମାନସିକ ଧାରି ପାଟୁଆ ଭକ୍ତମାନେ ପାଟୁଆ ହୋଇ ନାଚିଛନ୍ତି । ମନ୍ଦିରରୁ ମାଳ ଓ ବେତ ନେଇ ପରଦିନ ରାତିରେ ଉଜାଗର ରହି ମା ଙ୍କ ବେଢ଼ାରେ ଜାଗର ଦିପ ଜାଳିଥିଲେ । ସଂକ୍ରାନ୍ତି ଦିନ ମା ଙ୍କ ୭ଏକର ପରିମିତ ପୋଖରୀରେ ୧୦ହଜାରରୁ ଉଦ୍ଧ୍ୱର୍ ପାଟୁଆ ଭକ୍ତ ମାନେ ପୋଖରୀରେ ସାତଥର ବୁଡ ପକାଇଛନ୍ତି । ଏହି ପର୍ବକୁ ଆନନ୍ଦ ଉଲ୍ଲାସର ସହ ପାଳନ କରାଯାଇଛି ।
