ଜୀବନକୁ ବାଜି ଲଗାଇ ନଦୀ ପାର ହୋଉଛନ୍ତି ଲୋକେ
ସୋରଡ଼ା, (ବଡ଼ ଖବର ବ୍ୟୁରୋ) : ଲଘୁଚାପଜନିତ ଲଗାଣ ବର୍ଷାରେ ଭାସିଯାଇଛି ଗୋକୁଳପୁର ନିକଟ ପଦ୍ମାନଦୀର ପୋଲ। ୧୦ ଖଣ୍ଡ ଗାଁ ଲୋକେ ବାହ୍ୟଜଗତରୁ ବିଛିନ୍ନ ହୋଇରହିଛନ୍ତି । ଗଛର ଗଣ୍ଡି ଉପରେ ଜୀବନକୁ ବାଜି ଲଗାଇ ନଦୀ ପାର ହେଉଛନ୍ତି ଲୋକ । ଏ ଦୃଶ୍ୟ ହେଉଛି ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ବୋରଦା ପଞ୍ଚାୟତ ଗୋକୁଳପୁର ଗ୍ରାମର । ଗୋକୁଳପୁର ଠାରୁ ଡୁମ୍ବୁଳା ଗ୍ରାମକୁ ସଂଯୋଗ କରୁଛି ଏହି ରାସ୍ତା । ଦୁଇଦିନ ଧରି ବର୍ଷାର ପ୍ରଭାବରେ ଗତକାଲି ସକାଳୁ ପୋଲଟି ଭାସି ଯାଇଛି ।
ଯାହା ଫଳରେ ଲୋକ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଲୋକେ ବଜାର, ମେଡିକାଲ, ରୋଗୀସେବା ପାଇବାରୁ ବଞ୍ଚିତ । ସେପଟେ ବ୍ରିଜ ଭାସି ଯିବାର ୨୪ ଘଣ୍ଟା ବିତି ଯାଇଥିଲେ ମଧ୍ୟ କୌଣସି ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚି ନାହାନ୍ତି । ଯୁଦ୍ଧକାଳୀନଭିତ୍ତିରେ ରାସ୍ତା ସଂଯୋଗ କରିବା ପାଇଁ ଗ୍ରାମବାସୀ ଦାବି କରିଛନ୍ତି।
