ବିଳମ୍ବରେ ଆସିବ ମୌସୁମୀ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):ଦକ୍ଷିଣ-ପଶ୍ଚିମ ମୌସୁମୀ କେରଳ ପ୍ରବେଶ କରିବ ବୋଲି ଭାରତୀୟ ପାଣିପାଗ ବିଭାଗ ଆଇଏମଡି ପକ୍ଷରୁ ଗତ ମାସରେ ପୂର୍ବାନୁମାନ କରାଯାଇଥିଲା । ରବିବାର ଆଇ ଏମଡି କହିଛି ମୌସୁମୀ ଆସିବାରେ ଆହୁରୀ ୩/୪ ଦିନ ବିଳମ୍ବ ହେବ । ଆଇଏମଡି ଜାରି କରିଥିବା ଏକ ବିବୃତିରେ କୁହାଯାଇଛି ଯେ ଦକ୍ଷିଣ-ପଶ୍ଚିମ ମୌସୁମୀ ଲାକ୍ଷାଦ୍ୱୀପ ତଥା ଭାରତୀୟ ସମୁଦ୍ର ସୀମାକୁ ପ୍ରବେଶ କରିସାରିଛି । ଦକ୍ଷିଣ ଆରବ ସାଗର ଉପରେ ପଛୁଆ ପବନ ବଢିବା ଯୋଗୁଁ ପରିସ୍ଥିତି ଅନୁକୂଳ ରହିଛି । ଆସନ୍ତା ୩/୪ ଦିନ ଭିତରେ କେରଳରେ ମୌସୁମୀ ବର୍ଷା ଆରମ୍ଭ ହୋଇପାରେ ।

ମୌସୁମୀ ଗତିପଥ ଉପରେ ନିରନ୍ତର ଦୃଷ୍ଟି ରଖାଯାଇଛି । ଆଜି ଏ ବିଷୟରେ ଅଧିକ ସୂଚନା ଆସିବ । ସାଧାରଣତଃ ମୌସୁମୀ ଜୁନ ୧ରେ ପ୍ରବେଶ କରିଥାଏ । ଏ ବର୍ଷ ବିଳମ୍ବ ହେଲେ ମଧ୍ୟ ଆଜି କେରଳରେ ପ୍ରବଳ ବର୍ଷା ହେବ ବୋଲି ଆଇଏମଡି କହିଛି । ରବିବାର ଆଇଏମଡି ଜାରି କରିଥିବା ଆଲର୍ଟରେ କୁହାଯାଇଛି ରାଜସ୍ଥାନ, ଛତିଶଗଡ, ଓଡ଼ିଶା, ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜ, କେରଳ, ଗୋଆ, ମଧ୍ୟମହାରାଷ୍ଟ୍ର, ଆନ୍ଦ୍ରପ୍ରଦେଶ , ତେଲେଙ୍ଗାନା ଓ କର୍ଣ୍ଣାଟକର କିଛି ସ୍ଥାନରେ ବିଜୁଳି ଓ ଘଡଘଡି ସହ ବର୍ଷା ହୋଇପାରେ ।