ଭୁବନେଶ୍ୱର (ବଡ଼ ଖବର ବ୍ୟୁରୋ): ଅମିତ ଶାହଙ୍କ ଓଡିଶା ଗସ୍ତ ନେଇ ବିଜେଡିର ପ୍ରତିକ୍ରିୟା । ବିଜେଡି ବିଧାୟକ ସୁଶାନ୍ତ ସିଂ କହିଛନ୍ତି ଅମିତ ଶାହ କେନ୍ଦ୍ର ସରକାରରେ ଗୃହ ମନ୍ତ୍ରୀ ଅଛନ୍ତି । ତେଣୁ ସରକାରୀ କାର୍ଯ୍ୟକ୍ରମରେ ଆସି ପାରିବେ ଓ ଆଲୋଚନା ବି କରି ପାରିବେ । ରାଜ୍ୟରେ ନକ୍ସଲ ପ୍ରଭାବ କମିଛି ସେ ନେଇ କାର୍ଯ୍ୟକ୍ରମ ରହିଛି । ସେହିପରି ଓଡ଼ିଶାକୁ ନେଇ ମୁଖ୍ୟମନ୍ତ୍ରୀଙ୍କ ସହ ଆଲୋଚନା ବି ରହିଛି ।
ବିଭିନ୍ନ ଦିଗ ଉପରେ ଆଲୋଚନା ହୋଇପାରେ । ଓଡ଼ିଶାରେ ବିଜେଡିର ସଂଗଠନ ସୁଦୃଢ଼ ଅଛି । ଏକାକୀ ଭାବେ ଆମେ ତିନିଥର ନିର୍ବାଚନ ଜିତିଛୁ । ତେଣୁ ଏଠି ମେଣ୍ଟର ଆବଶ୍ୟକତା ନାହିଁ । ବିନା ମେଣ୍ଟରେ ଆମେ ଅଧିକ ଲୋକସଭା ଓ ବିଧାନସଭା ସିଟ ଜିତିବୁ ।
