ସ୍ୱାମୀର ପରକ୍ରିୟା ପ୍ରିତିକୁ ବିରୋଧ କଲା ସ୍ତ୍ରୀ, ତଣ୍ଟିକାଟି ଫିଙ୍ଗିଦେଲା ସ୍ୱାମୀ

ଜଗନ୍ନାଥ ପ୍ରସାଦ(ବଡ଼ ଖବର ବ୍ୟୁରୋ): ସ୍ୱାମୀ ର ପରକ୍ରିୟା ପ୍ରୀତି ବିରୋଧ କରୁଥିବା ସ୍ତ୍ରୀର ବେକ ଓ ହାତ କାଟି ଘଟଣା ସ୍ଥଳରୁ ପେରାର ଥିବା ସ୍ୱାମୀକୁ କେଶ ଗିରଫ କରି ଗୁରୁବାର କୋର୍ଟ ଚାଲାଣ କରିଛି ପୋଲିସ । ଗିରଫ ଜଣଙ୍କ ହେଲେ ବୁଗୁଡ଼ା ଥାନା ଅନ୍ତର୍ଗତ ମଙ୍ଗରାଜପୂର ମକରାପଲ୍ଲୀ ଗ୍ରାମର ରବୀନ୍ଦ୍ର ନାଇକ । ମଧ୍ୟ ରାତ୍ରରେ ଜିରାବାଡି ଗ୍ରାମ ଅଞ୍ଚଳରୁ ଜଣେ ମହିଳା ରକ୍ତାକ୍ତ ଅବସ୍ଥାରେ ରାସ୍ତାରେ ପଡି ଚିତ୍କାର କରି ସାହାଯ୍ୟ ମାଗୁଥିବା ବେଳେ, ସ୍ଥାନୀୟ ପୋଲିସ ମହିଳାଙ୍କୁ ଉଦ୍ଧାର କରି ଜଗନ୍ନାଥ ପ୍ରସାଦ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥଲେ । ମହିଳାର ତଣ୍ଟି କଟାଯାଇଥିବା ଯୋଗୁଁ ପ୍ରବଳ ରକ୍ତସ୍ରାବ ହୋଇଥିଲା । ସେ ଗୁରୁତର ଥିବାରୁ ତାଙ୍କୁ ବ୍ରହ୍ମପୁର ବଡମେଡିକାଲ କୁ ପଠାଯାଇଥିଲା ।