ଆଜି ସୁରୁଖୁରୁରେ ଚାଲିବ ତ ଗୃହ?

ଭୁବନେଶ୍ୱର (ବଡ଼ ଖବର ବ୍ୟୁରୋ): ବିଧାନସଭାର ଚତୁର୍ଥ ଦିନ । ଆଜି ବି ଗୃହରେ ହୋଇପାରେ ହଟ୍ଟଗୋଳ । ସୋମବାର ପରି ମଂଗଳବାର ବି ବିଧାନସଭାରେ ଜାରିରହିଥିଲା ଅଚଳାବସ୍ଥା । ବିଜେପି ସମାନ ପ୍ରସଙ୍ଗକୁ ଧରି ଥିବାବେଳେ ବିଜେଡି ଏନଏଚ ପରେ ଏମଏସପିକୁ ଅସ୍ତ୍ର କରିଛି । ପ୍ରଥମେ ପ୍ରଶ୍ନୋତ୍ତର କାର୍ଯ୍ୟ ହୋଇପାରି ନ ଥିଲା । ବିଜେପି ସଦସ୍ୟମାନେ ବାଚସ୍ପତିଙ୍କ ପୋଡିଅମ ସାମ୍ନାକୁ ଆସି ନାରାବାଜି କରିଥିଲେ । ବିରୋଧୀ ଦଳ ସଦସ୍ୟ ଆଣୁଥିବା ପ୍ରଶ୍ନ ଗୁଡିକ ରିଜେକ୍ଟ କରାଯାଉଥିବା ଅଭିଯୋଗ କରି ପ୍ରତିବାଦ କରିଥିଲେ ବିଜେପି ବିଧାୟକମାନେ ।

ସେପଟେ ଚାଷୀଙ୍କୁ ମିଳୁଥିବା ଶସ୍ୟ ମୂଲ୍ୟରେ କେନ୍ଦ୍ର ସରକାର କାହିଁକି ବୃଦ୍ଧି କରୁନାହାନ୍ତି ବୋଲି ପ୍ରଶ୍ନ କରି ବିଜେପି ବିରୋଧରେ ପାଲଟା ନାରାବାଜି କରିଥିଲେ ଶାସକ ବିଜେଡି ସଦସ୍ୟ । ଗୃହର ଅଚଳାବସ୍ଥା ଦେଖି ପ୍ରଥମେ ଦିନ ୧୨ଟା ଯାଏଁ ଗୃହ ମୁଲତବି କରି ସର୍ବଦଳୀୟ ବୈଠକ ଡାକିଥିଲେ ବାଚସ୍ପତି । ଆଉ ବୈଠକ ପରେ ଅପରାହ୍ନରେ ଗୃହକାର୍ଯ୍ୟ ସ୍ୱାଭାବିକ ଭାବେ ଚାଲିଥିଲା । ଆଗତ ହୋଇଥିଲା ପୌର ବିଧି ସଂଶୋଧନ ବିଲ୍ । ହେଲେ ଆଜି ଗୃହକାର୍ୟ୍ୟ ସୁରୁଖୁରୁରେ ଚାଲିବ କି ନାହିଁ ତା ଉପରେ ନଜର ରହିଛି ।