ଭୁବନେଶ୍ୱର (ବଡ଼ ଖବର): ବଢିଲା ଦାଗି ନେତାଙ୍କ ଅଡୁଆ । ୨୪ ନିର୍ବାଚନ ପୂର୍ବରୁ ବନ୍ଧା ହୋଇପାରନ୍ତି ଦାଗି ନେତା । ନିର୍ବାଚନ ପୂର୍ବରୁ ‘ସୁପ୍ରିମ’ ତୟାର । ନେତାଙ୍କ ମାମଲା ଶୀଘ୍ର ସାର କହିଲେ ସୁପ୍ରିମକୋର୍ଟ । ସାଂସଦ, ବିଧାୟକଙ୍କ ନାଁରେ ଥିବା ମାମଲାରେ ପଡୁ ପୂର୍ଣ୍ଣଚ୍ଛେଦ । ତୁରନ୍ତ ବିଚାର ସାରିବାକୁ ସୁପ୍ରିମକୋର୍ଟଙ୍କ ନିଦେ୍ର୍ଦଶ । ‘ଟ୍ରାଏଲ କୋର୍ଟ ପାଇଁ ଏ ସଂପର୍କରେ ଗାଇଡ଼ଲାଇନ କରିବା କଷ୍ଟସାଧ୍ୟ’ । ମାମଲା ନ ଗଡ଼ାଇବାକୁ ହାଇକୋର୍ଟମାନଙ୍କୁ କହିଲେ ସୁପ୍ରିମକୋର୍ଟ । ଅଶ୍ୱିନୀ ଉପାଧ୍ୟାୟଙ୍କ ଜନସ୍ୱାର୍ଥ ମାମଲାର ଶୁଣାଣି ଅବସରରେ ରାୟ । ଦେଶର ପ୍ରତ୍ୟେକ ରାଜନୈତିକ ଦଳର ନେତାଙ୍କ ନାଁରେ ଏକାଧିକ ଅପରାଧିକ ମାମଲା ରହିଛି ।
ହତ୍ୟା, ଦୁଷ୍କର୍ମ, ଦୁର୍ବବ୍ୟହାର ଭଳି ଅନେକ ଅପରାଧିକ ମାମଲା ସାଂସଦ, ବିଧାୟକଙ୍କ ନାଁରେ ରହିଛି । ୨୪ ନିର୍ବାଚନ ପୂର୍ବରୁ ସେହି ନେତାଙ୍କଠାରେ ଲାଗିଥିବା ଅପରାଧିକ ମାମଲାରେ ବିରାମ ଲଗାନ୍ତୁ କହିଛନ୍ତି ସୁପ୍ରିମକୋର୍ଟ । ଯାହା ଫଳରେ ସମସ୍ତ ରାଜନୈତିକ ପାର୍ଟି ପାଇଁ ଅଡୁଆ ବଢିଛି । ସେପଟେ ବୁଦ୍ଧିଜୀବୀଙ୍କ ମହଲରେ ଏହା ଚର୍ଚ୍ଚା ହେଉଛି ଯେ ଏତେ ସବୁ ମାମଲାକୁ ଏତେ କମ ସମୟରେ ବିଚାର କରିବା କାଠିକର ପାଠ । ଏଥିପାଇଁ ହାଇକୋର୍ଟରେ ସ୍ୱତନ୍ତ୍ର ବେଞ୍ଚ ବସିବାର ଆବଶ୍ୟକତା ରହିଛି । ଏହାର ସମାଧାନ ଲାଗି ସମୟ ଦରାକର । ସେ ଯାହା ହେଉନା କାହିଁକି ସର୍ବୋଚ୍ଚ ନ୍ୟାୟାଳୟଙ୍କ ଏଭଳି ଶୁଣାଣି ପରେ ହାଇକୋର୍ଟମାନଙ୍କ କାର୍ଯ୍ୟ ବଢିବା ସହ ଦାଗି ନେତାଙ୍କ ଚିନ୍ତା ବଢିଯାଇଛି ।
