ଚାନ୍ଦବାଲି ଅବକାରୀ ବିଭାଗ ଅଫିସରେ ତାଲା

ଚାନ୍ଦବାଲି (ବଡ଼ ଖବର ବ୍ୟୁରୋ): ଦିନକୁ ଦିନ ଚାନ୍ଦବାଲି ବ୍ଲକରେ ଚୋରା ମଦ କାରବାର ବଢିବାରେ ଲାଗିଛି । ସେପଟେ ଅବକାରୀ ବିଭାଗ ଅଫିସରେ ପଡିଛି ତାଲା । ଚାନ୍ଦବାଲି ବ୍ଲକର ଘଣ୍ଟେଶ୍ୱର, ମୋତୋ, ଅଞ୍ଚଳରେ ପାନ ଦୋକାନ ପାଖରୁ ଆରମ୍ଭ କରି ସମସ୍ତ ଛକରେ ଦେଖିବାକୁ ମିଳୁଛି ଚୋରା ମଦ କାରବାର। ସମସ୍ତ ସରକାରୀ ମଦ ଦୋକାନ ଅବକାରୀ ବିଭାଗକୁ ହାତ ବାରିଶି କରି ଖୁଲମ ଖୁଲା ଚୋରା ମଦ କାରବାର କରୁଥିବା ଅଭିଯୋଗ ହୋଇଛି। ଅବକାରୀ ନିୟମକୁ ପାଳନ କରୁ ନାହାନ୍ତି ସମସ୍ତ ସରକାରୀ ମଦ ଦୋକାନ ମାଲିକ ମାନେ। ମଦର ନିର୍ଦ୍ଧାରିତ ମୂଲ୍ୟ ଠାରୁ ଅଧିକ ଦାମରେ ମଦବିକ୍ରି କରିବା, ଚୋରାରେ ମଦ ଅଧିକ ପରିମାଣରେ ବିକ୍ରି କରିବା ଏବଂ ସରକାରଙ୍କୁ ଜିଏସଟି ଟିକସ ଠକିବା ପାଇଁ ଅନଲାଇନ ବ୍ୟବସ୍ଥା ବନ୍ଦ କରୁଥିବା ଦେଖିବାକୁ ମିଳୁଛି। ଏନେଇ ଚାନ୍ଦବାଲି ଏବଂ ଘଣ୍ଟେଶ୍ୱର ଅଞ୍ଚଳରେ ବାରମ୍ବାର ଅଭିଯୋଗ ମଧ୍ୟ ହେଉଛି । କିନ୍ତୁ ଅବକାରୀ ବିଭାଗ ଏଠାରେ ନିରବ । ଆଗାମୀ ଦିନରେ ଏହାର ତଦନ୍ତ କରାଯାଇ ସମାଧାନ କରା ନଗଲେ ସମସ୍ତ ସରକାରୀ ମଦ ଦୋକାନରେ ତାଲା ଝୁଲିବା ପାଇଁ ଚେତାବନୀ ଦେଇଛନ୍ତି ବୁଦ୍ଧିଜୀବି ମାନେ ।