https://youtu.be/F0hh_RkGm6w
ଗୁଜୁରାଟ (ବଡ଼ ଖବର ବ୍ୟୁରୋ): ଆସନ୍ତା ଜାନୁଆରୀ ୨୨ରେ ଅଯୋଧ୍ୟାରେ ହେବ ରାମ ମନ୍ଦିର ପ୍ରାଣ ପ୍ରତିଷ୍ଠା । ଏଥିପାଇଁ ଜୋରସୋରରେ ଚାଲିଛି ପ୍ରସ୍ତୁତି କାମ । ଏହି ଅବସରରେ ଗୁଜୁରାଟ ଭଦୋଦରାରେ ଜଣେ ଭକ୍ତ ତିଆରି କରିଛନ୍ତି ୧୦୮ ଫୁଟ ଲମ୍ବ ବିଶିଷ୍ଟ ୩.୫ ଫୁଟ୍ ଚଉଡ଼ାର ଏକ ଧୂପକାଠି । ଯାହା ଅଯୋଧ୍ୟାକୁ ରାମ ମନ୍ଦିରକୁ ପଠାଯିବ । ପ୍ରଭୁ ଶ୍ରୀ ରାମଙ୍କ ଉଦ୍ଦଶ୍ୟେରେ ଏହି ଧୂପକାଠି ସମର୍ପିତ ହେବ ।
ଭଦୋଦା ତର୍ସାଲିର ବାସିନ୍ଦା ବିହାଭାଇ ଭରୱାଦ ତାଙ୍କ ଘର ବାହାରେ ଗତ ୬ ମାସ ହେବ ଏହି କାମରେ ଲାଗିଛନ୍ତି । ଏହା ପୂର୍ବରୁ ସେ ୧୧୧ ଫୁଟ୍ ଲମ୍ବର ଏକ ଧୂପକାଠି ତିଆରି କରିଛନ୍ତି । ୩୦୦୦ କିଗ୍ରାର ଗାଈ ଗୋବର, ୯୧ କିଗ୍ରାର ଘିଅ, ୨୮୦ କିଗ୍ରାର ଦେବଦାରୁ ଗଛର କାଠଗୁଣ୍ଡ ଓ ଅନ୍ୟାନ୍ୟ ଜିନିଷର ମିଶ୍ରଣରେ ପ୍ରସ୍ତୁତ ହୋଇଛି ଏହି ଧୂପକାଠି । ସ୍ଥାନୀୟ ଏମପି ଓ ତାଙ୍କ ଟିମ୍ ଭରୱାଦଙ୍କ ଏହି କାମକୁ ସମର୍ଥନ ଜଣାଇଛନ୍ତି ।
