ସତୀଶଙ୍କ ଶକ୍ତି ପ୍ରଦର୍ଶନ

ଧର୍ମଶାଳା (ବଡ଼ ଖବର ବ୍ୟୁରୋ): ଓଡ଼ିଶା ରାଜନୀତିରେ ବିଜେଡି ଓ ବିଜେପି ମେଣ୍ଟକୁ ନେଇ ଚର୍ଚ୍ଚା ଲାଗି ରହିଥିବା ବେଳେ ଏବେ ଅନେକ ବିଜେଡି ଟିକେଟ ଆଶାୟୀ ସ୍ଵାଧୀନ ଭାବେ ଲଢ଼ିବାକୁ ଶକ୍ତି ପ୍ରଦର୍ଶନ କଲେଣି। ଟିକେଟ ଆଶା ମଉଳି ଯିବା ପରେ ଏବେ ସିଧସଳଖ ଭାବେ ଦଳ ବିରୁଦ୍ଧରେ ଆସି ପ୍ରାର୍ଥୀ ହେବାକୁ ଘୋଷଣା କରିଛନ୍ତି। ଧର୍ମଶାଳାର ଯୁବ ନେତା ସତୀଶ ବିଶ୍ଵାଳ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଦାବି ପତ୍ର ଦେବା ଆଳରେ ନିଜର ଶକ୍ତି ପ୍ରଦର୍ଶନ କରିଛନ୍ତି। ଜାରକା ବାଜାର ଠାରୁ ତହସିଲ କାର୍ଯ୍ୟାଳୟ ପର୍ଯ୍ୟନ୍ତ ହଜାର ହଜାର ସଂଖ୍ୟାରେ ସମର୍ଥକଙ୍କୁ ଧରି ପଦ ଯାତ୍ରା କରି ନିଜର ଶକ୍ତି ପ୍ରଦର୍ଶନ କରିବା ସହିତ ଆଗମୀ ନିର୍ବାଚନ ରଣାଙ୍ଗନରେ ସେ ପ୍ରାର୍ଥୀ ହେବେ ଏହା ସୂଚାଇ ଦେଇଛନ୍ତି। ବିନା ନବୀନଙ୍କ ଫଟୋ ଓ ବିନା ଶଙ୍ଖ ଚିହ୍ନରେ ସେ ନିର୍ବାଚନ ଲଢ଼ିବେ ଏହା ତାଙ୍କ ପୋଷ୍ଟର ଓ ବ୍ୟାନରରୁ ସ୍ପଷ୍ଟ ବାରି ହୋଇ ପଡିଛିା