ପଞ୍ଚମ ଥର ପାଇଁ ଋଷର ରାଷ୍ଟ୍ରପତି ହେଲେ ଭ୍ଲାଦିମିର ପୁଟିନ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):ରୁଷ ରାଷ୍ଟ୍ରପତି ନିର୍ବାଚନରେ ପୁଟିନଙ୍କ ବିଜୟ । ନିର୍ବାଚନରେ ରେକର୍ଡ ବିଜୟ ସହ ରଚିଲେ ଇତିହାସ । ପଞ୍ଚମ ଥର ପାଇଁ ଋଷର ରାଷ୍ଟ୍ରପତି ହେଲେ ଭ୍ଲାଦିମିର ପୁଟିନ । ଆୟୋଜିତ ରାଷ୍ଟ୍ରପତି ନିର୍ବାଚନରେ ୮୭.୩ ପ୍ରତିଶତ ଭୋଟ ପାଇ ରାଷ୍ଟ୍ରପତି ରେସରେ ଆଗରେ ରହିଛନ୍ତି ପୁଟିନ । କ୍ରମାଗତ ଭାବେ ସେ ପଞ୍ଚମ ଥର ଦେଶର ରାଷ୍ଟ୍ରପତି ହେବାକୁ ଯାଉଥିବା ବେଳେ ଆଗାମୀ ୬ ବର୍ଷ ପାଇଁ ଶାସନ କରିବେ । ଏନେଇ ଦେଶର କେନ୍ଦ୍ରୀୟ ନିର୍ବାଚନ ଆୟୋଗ ରବିବାର ଏହି ସୂଚନା ଦେଇଥିଲେ ।

ପ୍ରାଥମିକ ଫଳାଫଳ ଅନୁଯାୟୀ ପୁଟିନ ରାଷ୍ଟ୍ରପତି ନିର୍ବାଚନ ରେସରେ ଆଗରେ ରହିଛନ୍ତି । ପଞ୍ଚମ ଥର ପାଇଁ ଦେଶର ରାଷ୍ଟ୍ରପତି ହେବାକୁ ଯାଉଥିବା ବେଳେ ଦେଶବାସୀଙ୍କୁ ମସ୍କୋରେ ଥିବା ମୁଖ୍ୟାଳୟରେ ବିଜୟ ଅଭିଭାଷଣ ଦେଇଥିଲେ ପୁଟିନ । ସେ କହିଥିଲେ, ଦେଶର ଏକମାତ୍ର ଶକ୍ତି ଉତ୍ସ ହେଉଛନ୍ତି ଋଷର ଲୋକେ । ଯେତେବେଳେ ଦେଶର ଭବିଷ୍ୟତ ନିର୍ମାଣ କଥା ଆସେ ସେତେବେଳେ ପ୍ରତ୍ୟେକ ନାଗରିକଙ୍କ ଭୋଟ୍ ମୂଲ୍ୟବାନ ।” ବର୍ତ୍ତମାନ ସୁଦ୍ଧା ୫୦ ପ୍ରତିଶତରୁ ଅଧିକ ଭୋଟ୍ ଗଣନା କରାଯାଇଥିଲ । ପୁଟିନ ଆନୁମାନିକ ୮୭.୩ ପ୍ରତିଶତ ସହ ରାଷ୍ଟ୍ରପତି ରେସରେ ଆଗରେ ରହିଥିବା ସିଇସି ପକ୍ଷରୁ କୁହାଯାଇଛି ।