‘ମୁଁ ଭାଙ୍ଗିବି ନାହିଁ,  ମୁଁ ଏ ଦେଶର ପୁଅ’

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ତିହାର ଜେଲରେ ବନ୍ଦୀ ଅଛନ୍ତି। ସବୁ ଚେଷ୍ଟା ପରେ ବି  ତାଙ୍କୁ କୋର୍ଟରୁ ଜାମିନ ମିଳିନାହିଁ। ସେପଟେ ଏନେଇ ଆପ୍‌ ପୁଣି କେନ୍ଦ୍ର ସରକାରଙ୍କୁ ଟାର୍ଗେଟ କରିଛି। ନିକଟରେ ହୋଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସାକ୍ଷାତକାରକୁ କଡ଼ା ଭାବରେ ସମାଲୋଚନା କରାଯାଇଛି  । ଏହାରି ଭିତରେ ତିହାର ଜେଲରୁ କେଜରିଓ୍ବାଲ ଦିଲ୍ଲୀବାସୀଙ୍କୁ ଏକ ବାର୍ତ୍ତା ପଠାଇଛନ୍ତି।

ସେ କହିଛନ୍ତି, ‘ମୁଁ ଅରବିନ୍ଦ କେଜରିୱାଲ। ଆତଙ୍କବାଦୀ ନୁହେଁ। ପ୍ରଧାନମନ୍ତ୍ରୀଜୀ ଆପଣଙ୍କୁ ଲାଜ ଲାଗୁ ନାହିଁ? ଆପଣ ଘୃଣାରେ ଏତେ ଅନ୍ଧ ହୋଇଯାଇଛନ୍ତି ଯେ, ମୋତେ ମୋ ପରିବାରକୁ ଦେଖା କରିବାକୁ ଦେଉ ନାହାନ୍ତି। ଆପଣ ଯେତେ ବଳ ପ୍ରୟୋଗ କଲେ ମଧ୍ୟ ମୁଁ ଭାଙ୍ଗିବି ନାହିଁ। ମୁଁ ଏ ଦେଶର ପୁଅ। ଲୋକମାନଙ୍କର ସେବକ ଭାବେ କାମ କରିବି।’