ବିଦ୍ରୋହ ଭିତରେ ଆଜି ବସିବ ବିଜେଡିର ପ୍ରଥମ ପିଏସି ବୈଠକ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ବସିବ ବିଜେଡି ବଡ଼ ବୈଠକ । ବିଦ୍ରୋହ ଭିତରେ ବିଜେଡିର ପ୍ରଥମ ପିଏସି ବୈଠକ ।ରାଜା, ମୁନ୍ନାଙ୍କ ଉପରେ ହୋଇପାରେ କାର୍ଯ୍ୟାନୁଷ୍ଠାନ । ଆକ୍ସନ ନେବା ଉପରେ ହୋଇପାରେ ଆଲୋଚନା । ଆସିପାରେ ନେତାଙ୍କ ପାଇଁ ଗାଇଡଲାଇନ । ନବୀନ ନିବାସରେ ବସିବ ରାଜନୈତିକ ବ୍ୟାପାର କମିଟି ବୈଠକ । ନବୀନଙ୍କ ଅଧ୍ୟକ୍ଷତାରେ ବସିବ ବୈଠକ । ରାଜନୈତିକ ବେପାର କମିଟିର ଏହା ପ୍ରଥମ ବୈଠକ ।

ନବୀନ ସଭାପତି ହେବା ପରେ ଗଠନ କରିଥିଲେ ପିଏସି । ଦୀର୍ଘ ୨୫ ବର୍ଷ ପରେ ଏହି କମିଟି ଗଠନ କରିଛନ୍ତି ନବୀନ । କମିଟିରେ ଅନେକ ବରିଷ୍ଠ ନେତାଙ୍କୁ ସାମିଲ କରାଯାଇନାହିଁ । ରାଜା ସ୍ୱାଇଁ, ପ୍ରସନ୍ନ ଆଚାର୍ୟ୍ୟ, ଅନଙ୍ଗ ଉଦୟ ସିଂହଦେଓ, ଦେବୀ ମିଶ୍ର, ଅରୁଣ ସାହୁ, ଅତନୁ ସବ୍ୟସାଚୀ ନାୟକଙ୍କ ଭଳି ପୁରୁଖା ନେତାଙ୍କୁ କମିଟିରେ ସ୍ଥାନ ମିଳିନାହିଁ । ଏମାନେ ପିଏସି କମିଟି ଗଠନ ନେଇ ବାରମ୍ବାର ଦାବି କରିଆସୁଥିଲେ । ହେଲେ କମିଟିରେ ସାମିଲ ନହେବା ପରେ ଏହି ନେତାମାନେ ଆଉ ବିଜେଡିର ରାଜନୈତିକ ବ୍ୟାପାରରେ ମୁଣ୍ଡ ଖେଳେଇ ପାରିବେନି ।