ଜୁନାଗଡ଼ (ବଡ଼ ଖବର ବ୍ୟୁରୋ): ନିରିହ ଲୋକଙ୍କୁ ଟାର୍ଗେଟ କରି ଏଟିଏମ ନିକଟରୁ ଲୁଟ କରୁଥିବା ଜଣେ ଅଭିଯୁକ୍ତକୁ ଗିରଫ କରିଛି କଳାହାଣ୍ଡି ପୋଲିସ । ଗିରଫ ଅଭିଯୁକ୍ତ ହେଲା ଚୈବନ ନାଗ। ତାଙ୍କ ଘର ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଅଞ୍ଚଳରେ। ଚୈବନ ବିଭିନ୍ନ ଜିଲ୍ଲାକୁ ଯାଇ ଏଟିଏମ ନିକଟରେ ଠିଆ ହେଉଥିଲା। ନିରିହ ଲୋକଙ୍କୁ ଟଙ୍କା ଉଠାଣରେ ସାହାଯ୍ୟ କରିବା ବାହାନାରେ ସବୁ ଟଙ୍କା ଲୁଟି ନେଉଥିଲା । ୪ ଜଣଙ୍କ ଠାରୁ ଲୁଟ୍ କରିଥିବା ପ୍ରଥମେ ଜୁନାଗଡ଼ ଥାନାରେ ଏତଲା ଦିଆଯାଇଥିଲା । ଏହାପରେ ତତ୍ପର ହୋଇଛି ପୋଲିସ । ଅଭିଯୁକ୍ତକୁ ଗିରଫ କରିବା ସହ ତା’ପାଖରୁ ୭ଟି ଏଟିଏମ କାର୍ଡ, ନଗଦ ୬୭୦୦୦ ଟଙ୍କା ଓ ୨ଟି ମୋବାଇଲ ଜବତ କରିଛି ।
