ଯୁବତୀଙ୍କ ଗଳିତ ଶବ ଉଦ୍ଧାର, ଦୁଷ୍କର୍ମ ପରେ ହତ୍ୟା ସନ୍ଦେହ

ଅନୁଗୁଳ(ବଡ଼ ଖବର ବ୍ୟୁରୋ): ଜଙ୍ଗଲରୁ ଉଦ୍ଧାର ହେଲା ଜଣେ ଯୁବତୀଙ୍କ ଗଳିତ ଶବ । ଦୁଷ୍କର୍ମ ପରେ ହତ୍ୟା କରି କେହି ଜଙ୍ଗଲରେ ଫୋପାଡି ଦେଇଥିବା ସନ୍ଦେହ କରାଯାଉଛି । ଟାଇଁଷି-ଜଗନ୍ନାଥପୁର ରାସ୍ତାରୁ ୨୦୦ ମିଟର ଜଙ୍ଗଲରେ ଜଣେ ଯୁବତୀଙ୍କ କ୍ଷତବିକ୍ଷତ ମୃତଦେହ ପଡିଥିବାର ଗାଁ ଲୋକ ପୋଲିସକୁ ଖବର ଦେଇଥିଲେ । ଶବଟି ପଚିସଢି ଯାଇଥିଲା । ୩/୪ ଦିନ ପୂର୍ବେ ଏହି ଘଡଣା ଘଟିଥିବା ଅନୁମାନ କରାଯାଉଛି । ଘଟଣାସ୍ଥଳରେ ଯୁବତୀଙ୍କ ଚପଲ, ପର୍ସ ଓ ନିକଟରେ ରକ୍ତଛିଟା ପଡିଥିବାର ଗାଁ ଲୋକେ ପୋଲିସକୁ ସୂଚନା ଦେଇଥିଲେ । ଖବର ପାଇ ଅନୁଗୁଳ ଏସଡିପିଓ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛନ୍ତି ।