କୃଷ୍ଣପ୍ରସାଦରେ ଅଗ୍ନିକାଣ୍ଡ

କୃଷ୍ଣପ୍ରସାଦ (ବଡ଼ ଖବର ବ୍ୟୁରୋ): ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଳକର ମୁଣ୍ଡାବର ଗାଁରେ ଭୟାବହ ଅଗ୍ନିକାଣ୍ଡ ଘଟିଛି । ଜଳିଗଲା ୪ ବଖରା ଘର । ଘରେ ଥିବା ସମସ୍ତ ଆସବାପତ୍ର ପୋଡି ପାଉଁଶ ହୋଇଯାଇଛି । କୌଣସି ଜିନିଷ ପତ୍ର ଉଦ୍ଧାର ହୋଇପାରିନଥିଲା । ଘଟଣାସ୍ଥଳରେ ମାଲୁଦ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ କରିଥିଲା । ବିଦ୍ୟୁତ ସର୍ଟସର୍କିଟ ଯୋଗୁଁ ନିଆଁ ଲାଗିଥିବା ଜଣାପଡିଥିଲା । ତିନୋଟି ପରିବାରର ୪ ବଖରା ଘର ପୋଡି ପାଉଁଶ ହୋଇଯାଇଥିଲା । ପିଲାମାନଙ୍କ ବହିଖାତା ପୋଡି ଯାଇଇଥିଲା । ଦୁର୍ଗା ଚରଣ ନାୟକ ,ଅମର ନାୟକ,ସମୀର ନାୟକଙ୍କ ପରିବାର ଏବେ ଅସହାୟ ହୋଇ ଖୋଲା ଆକାଶ ତଳେ ପଡିରହିଛନ୍ତି । ସେପଟେ ଅସହାୟ ପରିବାରକୁ ସରକାରୀ ସହାୟତା ପାଇଁ ଅଞ୍ଚଳବାସୀ ଦାବି କରିଛନ୍ତି ।