ଭଦ୍ରକ(ବଡ଼ ଖବର ବ୍ୟୁରୋ): ବିରୋଧୀ ଶାସକ ଦଳ ମଧ୍ୟରେ ହଟ୍ଟଗୋଳ । ପଞ୍ଚାୟତ ସମିତି ବୈଠକରେ ଉତ୍ତେଜନା । ହାତାହାତି ହେବାକୁ ପଛାଇଲେ ନାହିଁ । ପରିସ୍ଥିତି ଏମିତି ହେଲା ଶେଷରେ ପୋଲିସ ପହଞ୍ଚି ସ୍ଥିତି ନିୟନ୍ତ୍ରଣ କରିଥିଲା । ଏ ଦୃଶ୍ୟ ଥିଲା ଭଦ୍ରକ ଜିଲ୍ଲା ଧାମନଗର ବ୍ଲକର ପଞ୍ଚାୟତ ସମିତି ବୈଠକରେ । ବୈଠକ ଚାଲୁଥିବା ବେଳେ ରଣକ୍ଷେତ୍ର ପାଲଟିଲା ବ୍ଲକ ସଭା ଗୃହ । ଉଭୟ ଶାସକ ଓ ବିରୋଧୀ ଦଳ ପରସ୍ପର ମଧ୍ୟରେ ହଟ୍ଟଗୋଳ କରିଥିଲେ ।
ବିଜେଡି ପ୍ରଧାନମନ୍ତ୍ରୀ ଆବାସ ଯୋଜନାକୁ ପ୍ରସଙ୍ଗ କରିଥିବା ବେଳେ ବିଜେପି ଚାରା ଦୁର୍ନୀତି ଅଭିଯୋଗ କରିଥିଲା । ବୈଠକରେ ଉପସ୍ଥିତ ଥିଲେ ଧାମନଗର ବିଧାୟକ, ବିଡିଓ, ବ୍ଲକ ଚେୟାରମ୍ୟାନ ସମେତ ବ୍ଲକର ସମସ୍ତ ପଦାଧିକାରୀ ଏବଂ ଜନ ପ୍ରତିନିଧି ।
