ଛଟପୂଜାକୁ ନା

ଭୁବନେଶ୍ୱର (ବଡ଼ ଖବର ବ୍ୟୁରୋ): ବିହାରୀ ସଂପ୍ରଦାୟର ବିବାହିତ ମହିଳାମାନେ ସାଧାରଣତଃ ପାଳନ କରିଥାନ୍ତି ଛଟପର୍ବ । ବିଭିନ୍ନ ନଦୀର ବାଲୁକା ଶର୍ଯ୍ୟାରେ ଉଦିତ ସୂର୍ଯ୍ୟଙ୍କୁ ଭକ୍ତି ଓ ନିଷ୍ଠାର ସହ ସେମାନେ କରିଥାନ୍ତି ପୂଜାର୍ଚ୍ଚନା । ସ୍ୱାମୀ ଓ ପରିବାର ମଙ୍ଗଳକାମନା କରି ଏହି ପୂଜା ସେମାନେ କରିଥାନ୍ତି ।
ଚଳିତ ବର୍ଷ ନଭେମ୍ବର ୨୦ ଓ ୨୧ ତାରିଖରେ ପାଳିତ ହେବ ଛଟପର୍ବ । କିନ୍ତୁ ଏହି ପର୍ବ ଉପରେ ଲାଗିଛି ସରକାରୀ ଅଙ୍କୁଶ । ଅନ୍ୟ ପର୍ବ ପର୍ବାଣୀ ପରି ଛଟପର୍ବ ହେବ ନାହିଁ । କରୋନା ନିୟମ ଉଲ୍ଲଘଂନ ହେବା ଆଶଙ୍କାରେ ରାଜ୍ୟ ସରକାର ଏଭଳି ପଦକ୍ଷେପ ନେଇଛନ୍ତି । ମହିଳାମାନେ ନଦୀଘାଟରେ ପର୍ବ ପାଳନ ନ କରି ଘରେ ଛଟପୂଜା କରିବାକୁୂ ସ୍ୱତନ୍ତ୍ର ରିଲିଫ କମିସନର ନିର୍ଦ୍ଦେଶ ଦେଇଛନ୍ତି । ନିୟମ ଉଲ୍ଲଘଂନ କଲେ କଠୋର କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ଏସଆରସି ତାଙ୍କ ନିର୍ଦ୍ଦେଶରେ ସ୍ପଷ୍ଟ କରିଛନ୍ତି । ଏହା ସହ ଛଟପୂଜା ସମୟରେ ନଦୀରେ ସମୂହ ସ୍ନାନକୁ ମଧ୍ୟ ବାରଣ କରାଯାଇଛି ।