ଖେଳ କରିଦେଲେ କି ସିନିୟର ପାୱାର, ଅଜିତଙ୍କ ପାଖେ ରହିଗଲେ ୯

ମହାରାଷ୍ଟ୍ର (ବଡ଼ ଖବର ବ୍ୟୁରୋ) :  ମହାବିକାଶ ଅଘାଡ଼ି ଦଳକୁ ଲାଗିଛି ଝଟକା ପରେ ଝଟକା । ପ୍ରଥମେ ଶିବସେନା ହୋଇଥିଲା ଦୁଇଫାଳ । ଆଉ ଏବେ ଏନସିପିରେ ହୋଇଛି ଫାଟ । ଯାହକୁ ନେଇ ମହାରାଷ୍ଟ୍ର ରାଜନୀତି ସରଗରମ ହୋଇଛି । ରବିବାର ଅଜିତ ପାୱାରଙ୍କ ଉପମୁଖ୍ୟମନ୍ତ୍ରୀଭାବେ ଶପଥ ଗ୍ରହଣ ମହାରାଷ୍ଟ୍ର ରାଜନୀତିରେ ହଇଚଇ ସୃଷ୍ଟି କରିଛି । ରବିବାର କହାକୁ କିଛି ନଜଣାଇ ସିକ୍ରେଟ ଭାବେ ଉପମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ଅଜିତ ପାୱାର ।

ଆଉ ଏନସିପି ଉପରେ ନିଜର ଅକ୍ତିଆର ଜାହିର କରିଛନ୍ତି ଅଜିତ । କହିଛନ୍ତି ମୋ ପାଖେ ଏବେ ବି ଅଧିକାଂଶ ବିଧାୟକ, ସାଂସଦଙ୍କ ସମର୍ଥନ ରହିଛି । ଖାଲି ସେତିକି ନୁହେଁ ଏନସିପିକୁ ସରକାରରେ ସାମିଲ କରିଥିବା ଦୃଢୋକ୍ତି ପ୍ରକାଶ କରୁଛନ୍ତି । ଅଜିତ କହିଥିଲେ ତାଙ୍କ ସହ ଅଛନ୍ତି ଏନସିପିର ୪୦ ବିଧାୟକ । ମନ୍ତ୍ରୀ ଭାବେ ଶପଥ ନେଇଥିଲେ ୮ ବିଧାୟକ । ତେବେ ବାକି ବିଧାୟକ ଗଲେ କୁଆଡ଼େ । ଯାହାକୁ ନେଇ ରାଜନୈତିକ ଚର୍ଚ୍ଚା ଜୋର ଧରିଛି ।