‘ଘୁଙ୍ଗ୍ରୋ ’ ଗୀତ ର ଧୁମରେ କାହିଁକି ନାଚିଲେ ଡାକ୍ତର, ଜାଣନ୍ତୁ

ଗୌହାଟି(ବଡ଼ ଖବର ବ୍ୟୁରୋ): ରୋଗୀ ସେବା ହିଁ ଡାକ୍ତରଙ୍କ ଧର୍ମ । ସେଥିପାଇଁ ତ ତାଙ୍କୁ ଦ୍ୱିତୀୟ ଈଶ୍ୱର ବୋଲି କୁହାଯାଏ । ତେବେ ଜଣେ ଡାକ୍ତର ରୋଗୀ ସେବା ଛାଡି ଡାକ୍ତରଖାନାରେ ହିନ୍ଦି ଫିଲ୍ଲର ଧୁମ୍ରେ ନାଚିବା ଆଶ୍ଚର୍ଯ୍ୟ ନିଶ୍ଚୟ । ଏହା ଗପ ନୁହେଁ, ସତ । ଆସାମର ଏକ ଡାକ୍ତରଖାନାରେ ଏଭଳି ଘଟଣା ଘଟିଛି ।
ଆସାମର ଜଣେ ଡାକ୍ତର କରୋନା ରୋଗୀଙ୍କ ମୁହଁରେ ହସ ଆଣିବା ପାଇଁ ଚଳଚ୍ଚିତ୍ର ‘ୱାର’ ର ଘୁଙ୍ଗ୍ରୋଗୀତର ଧୁମରେ ଜବରଦସ୍ତ ନୃତ୍ୟ ପରିବେଷଣ କରିଥିଲେ। ଡାକ୍ତରଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓ ଦେଖି ବଲିଉଡ ଅଭିନେତା ହ୍ରିତିକ ରୋଶନ ଡାକ୍ତରଙ୍କୁ ପ୍ରଶଂସା କରିଛନ୍ତି । ହ୍ରିତିକ ଡାକ୍ତରଙ୍କ ଏକ ଭିଡିଓ ସେୟାର କରି ଲେଖିଛନ୍ତି, ‘ଡାକ୍ତରଙ୍କୁ କୁହ ଦିନେ ମୁଁ ଆସାମରେ ତାଙ୍କ ସହ ଡ୍ୟାନ୍ସ ଷ୍ଟେପ୍ ଶିଖିବି।‘ ହ୍ରିତିକ ରୋଶନଙ୍କ ପ୍ରଶଂସକମାନେ ଏହି ପୋଷ୍ଟର ମଧ୍ୟ ପ୍ରଶଂସା କରୁଛନ୍ତି।