ବିଧାନସଭାରେ ରାଜକୃଷ୍ଣଙ୍କ ପଟ୍ଟଚିତ୍ର ଲାଗୁ

ସାଲେପୁର(ବଡ଼ ଖବର ବ୍ୟୁରୋ): କଟକ କିଶନନଗର ତହସିଲ ରାମଚନ୍ଦ୍ରପୁର ଗ୍ରାମର ରାଜକୃଷ୍ଣ ବୋଷ । ସ୍ୱାଧୀନତା ସଂଗ୍ରାମୀ ଭାବରେ ପରିଚିତ । ୧୯୦୦ ମସିହା ଡିସେମ୍ବର ୧୭ରେ ଜନ୍ମଗ୍ରହଣ କରିଥିଲେ ରାଜକୃଷ୍ଣ । ମହାତ୍ମାଗାନ୍ଧୀ, ଗୋପବନ୍ଧୁ ଦାସଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ଯୋଗଦେଇଥିଲେ ସ୍ୱାଧୀନତା ସଂଗ୍ରାମରେ ।

ସେ ନିଜ ଅଞ୍ଚଳର ଉନ୍ନତି ପାଇଁ ମଧ୍ୟ ଅନେକ କାର୍ଯ୍ୟ କରିଥିଲେ । ୧୯୯୨ ମସିହାରେ ମୃତ୍ୟୁବରଣ କରିଥିଲେ ରାଜକୃଷ୍ଣ ବୋଷ । ଆଜି ତାଙ୍କ ଜୟନ୍ତୀ ଅବସରରେ ଜନ୍ମପୀଠକୁ ସ୍ମୃତିପୀଠ ଭାବେ ଘୋଷଣା କରିବା ପାଇଁ ଦାବି କରାଯାଇଛି । ଏଭଳି ଯୁଗଜନ୍ମାଙ୍କୁ ସରକାର ଆଜି ପର୍ଯ୍ୟନ୍ତ ଦେଇପାରି ନାହାନ୍ତି ଉପଯୁକ୍ତ ସମ୍ମାନ । ତାଙ୍କ ଜନ୍ମପୀଠକୁ ସ୍ମୃତିପୀଠ କରିବା ସହିତ ତାଙ୍କର ଏକ ପଟ୍ଟଚିତ୍ର ବିଧାନସଭା କକ୍ଷରେ ରଖାଯିବା ପାଇଁ ସର୍ବସାଧାରଣରେ ଦାବି କରାଯାଇଛି ।