ମୋଦିଙ୍କ ବୈଠକକୁ ଯିବେ ଗୁପକାର ମେଣ୍ଟ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜମ୍ମୁ ଓ କାଶ୍ମୀରର ନେତାମାନଙ୍କ ସହ ଆଲୋଚନ। କରିବେ । ଏଥିରେ ମୋଟ ୮ଟି ରାଜନେିତିକ ବ୍ୟକ୍ତି ବିଶେଷଙ୍କୁ ଯୋଗ ଦେବାକୁ ନିମନ୍ତ୍ରଣ କରାଯାଇଛି । ତେବେ ଏଥିରେ ଗୁପକାର ଆଲାଏନସ ଏଥିରେ ଯୋଗ ଦେବ କି ନା ସେ ନେଇ ବହୁ କଳ୍ପନା ଜଳ୍ପନା ଚାଲୁଥିବା ବେଳେ ଏନେଇ ଏବେ ସ୍ପଷ୍ଟତା ମିଳିଛି । ଗୁପକାର ଆଲାଏନସର ଫାରୁକ ଅବଦୁଲାଙ୍କ ବାସଭବନରେ ଅନୁଷ୍ଠିତ ମେଣ୍ଟ ବୈଠକରେ ଏହି ନିଷ୍ପତ୍ତି ନିଆଯାଇଛି । ପ୍ରଧାନମନ୍ତ୍ରୀଙ୍କ ସହ ବୈଠକରେ ଏହି ଫାରୁକଙ୍କ ସମେତ ପିଡିପି ମୁଖ୍ୟ ମେହବୁବା ମୁଫତି ଓ ସିପିଆଇଏମ ନେତା ମହମ୍ମଦ ୟୁସୁଫ ମଧ୍ୟ ଯୋଗ ଦେବେ । ପ୍ରଧାନମନ୍ତ୍ରୀ ଏହି ବୈଠକରେ କେଉଁ ପ୍ରସଙ୍ଗରେ ଆଲୋଚନା କରିବେ ତାହା ସ୍ପଷ୍ଟ ହୋଇନି । କିନ୍ତୁ ଜମ୍ମୁ କାଶ୍ମୀରକୁ ପୁଣି ସ୍ୱତନ୍ତ୍ର ରାଜ୍ୟ ମାନ୍ୟତା ଫେରାଇ ଆଣିବାକୁ ଏହି ନେତାମାନେ ଚେଷ୍ଟା କରିବେ ବୋଲି କହିଛନ୍ତି ।