ହାର୍ଦ୍ଦିକ ପାଣ୍ଡ୍ୟା @୨୭
ଭୁବନେଶ୍ୱର, (ବଡ଼ ଖବର ବ୍ୟୁରୋ):୨୭ ବର୍ଷରେ ପଦାର୍ପଣ କରିଛନ୍ତି ଟିମ୍ ଇଣ୍ଡିଆ ଏବଂ ମୁମ୍ବାଇ ଇଣ୍ଡିଆନ୍ସର ଯୁବ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା । ସେ ୧୯୯୩ ମସିହା ଅକ୍ଟୋବର ୧୧ରେ ଗୁଜୁରାଟର ସୁରଟ ଠାରେ ଜନ୍ମଗ୍ରହଣ କରିଥିଲେ । ପିଲାଟି ଦିନରୁ ତାଙ୍କର କ୍ରିକେଟ ପ୍ରତି ରୁଚି ଥିଲା। ଏହା ଦେଖି ହାର୍ଦ୍ଦିକଙ୍କ ବାପା ତାଙ୍କୁ ଭଦୋଦରା ସ୍ଥିତ କିରଣ ମୋରେଙ୍କ କ୍ରିକେଟ ଏକାଡେମୀରେ ନାମ ଲେଖାଇଥିଲେ । ସେ କ୍ରିକେଟ ପ୍ରତି ଅଧିକ ଧ୍ୟାନ ଦେବା ପାଇଁ ନବମ ଶ୍ରେଣୀରେ ପାଠ ପଢା ଛାଡିଥିଲେ ।
ପାଣ୍ଡ୍ୟା ୨୦ ବର୍ଷ ବୟସରେ ନିଜ ଘରୋଇ କ୍ରିକେଟ ବରୋଦା କ୍ରିକେଟ ଟିମରୁ ଆରମ୍ଭ କରିଥିଲେ । ସେ ୨୦୧୩-୧୪ ସିଜନରେ ସୟଦ ମୁଶତାକ ଅଲ୍ଲୀ ଟ୍ରଫି ଜିତିବାରେ ବରୋଦା ପାଇଁ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ପାଣ୍ଡ୍ୟା ୨୦୧୫ ମସିହାରେ ଆଇପିଏଲରେ ନିଜର ଡେବ୍ୟୁ କରିଥିଲେ । ସେ ଆଇପିଏଲରେ ପ୍ରଥମ ମ୍ୟାଚ ମୁମ୍ବାଇ ତରଫରୁ ବାଙ୍ଗାଲୋର ବିପକ୍ଷରେ ଖେଳିଥିଲେ । ଆଇପିଏଲରେ ଚମତ୍କାର ପ୍ରଦର୍ଶନ ପରେ ସେ ୨୦୧୬ରେ ଏସିଆ କପ୍ ଏବଂ ୨୦୧୬ ଟି-୨୦ ୱାର୍ଲ୍ଡ କପ ପାଇଁ ଭାରତୀୟ ଦଳରେ ସାମିଲ ହୋଇଥଲେ । ପାଣ୍ଡ୍ୟା ୨୦୧୬ ଜାନୁଆରୀ ୨୭ରେ ଅର୍ନ୍ତଜାତୀୟ ଟି-୨୦ରେ ଅଷ୍ଟ୍ରେଲିଆ ବିପକ୍ଷରେ ନିଜର ଡେବ୍ୟୁ କରିଥିଲେ । ହାର୍ଦ୍ଦିକ ସେହି ବର୍ଷ ଅକ୍ଟୋବର ୧୬ରେ ଧର୍ମଶାଳାରେ ନିୟୁଜଲ୍ୟାଣ୍ଡ ବିପକ୍ଷରେ ଦିନିକିଆ ମ୍ୟାଚରେ ପର୍ଦାପଣ କରିଥିଲେ । ସେ ସନ୍ଦୀପ ପାଟିଲ, ମୋହିତଶର୍ମା ଓ କେ ଏଲ ରାହୁଲଙ୍କ ପରେ ଚତୁର୍ଥ ଭାରତୀୟ ଭାବେ ଦିନିକିଆ ଡେବ୍ୟୁରେ ମ୍ୟାନ ଅଫ ଦି ମ୍ୟାଚ ପୁରସ୍କାର ପାଇଥିଲେ । ସେ ୨୦୧୯ ଦିନିକିଆ ୱାର୍ଲ୍ଡକପରେ ଭାରତୀୟ ଦଳରେ ସାମିଲ ମଧ୍ୟ ହୋଇଥିଲେ । ପାଣ୍ଡ୍ୟା ୨୦୧୬ରେ ମଧ୍ୟ ଟେଷ୍ଟରେ ଡେବ୍ୟୁ କରିଥିଲେ କିନ୍ତୁ ଆହତ କାରଣରୁ ସେ ତାଙ୍କ ପ୍ରଥମ ଟେଷ୍ଟ୨୦୧୭ ଜୁଲାଇ ୨୬ରେ ଶ୍ରୀଲଙ୍କା ବିପକ୍ଷରେ ଖେଳିଥିଲେ । ପାଣ୍ଡ୍ୟା ତାଙ୍କ ଚମତ୍କାର ଅଲରାଉଣ୍ଡ ପ୍ରଦର୍ଶନ ପାଇଁ ୨୦୧୬ରୁ ନିୟମିତ ଭାବେ ଭାରତୀୟ ଦଳର ସଦସ୍ୟ ଭାବେ ରହି ଆସିଛନ୍ତି ।
https://twitter.com/imVkohli/status/1315179289524936704?s=20
Love, Laughter and Positivity from this champion always. Happy birthday fam ❤️ @hardikpandya7 pic.twitter.com/NRGNg62zWX
— K L Rahul (@klrahul11) October 11, 2020
ଆଜି ତାଙ୍କ ଜନ୍ମଦିନ ଅବସରରେ ଭାରତୀୟ ଅଧିନାୟକ ବିରାଟ କୋହଲିଙ୍କ ସମେତ ବହୁ କ୍ରିକେଟର ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ବହୁ ଶୁଭେଛୁ ମଧ୍ୟ ତାଙ୍କୁ ଜନ୍ମଦିନର ଅଭିନନ୍ଦନ ଜଣାଇଛନ୍ତି ।
