ସମନ ପରେ ବି ହାଜର ହେଲେନି

ଲଖିମପୁର(ବଡ଼ ଖବର ବ୍ୟୁରୋ): ସମନ ପରେ ବି ହାଜର ହେଲେନି । ଘର ବାହାରେ ନୋଟିସ ମଧ୍ୟ ଲଗାଯାଇଥିଲା । ଏସବୁ ପରେ ମଧ୍ୟ କ୍ରାଇମବ୍ରାଞ୍ଚ ନିକଟରେ ହାଜର ହୋଇନଥିଲେ ମୁଖ୍ୟ ଅଭିଯୁକ୍ତ ଆଶିଷ ମିଶ୍ର । ହେଲେ ଅନ୍ୟ ଅଭିଯୁକ୍ତଙ୍କୁ ପୁଲିସ ଅନ୍ୟ ଉପାୟରେ ବ୍ୟବହାର କରୁଛି । ଏଇଠି ପ୍ରଶ୍ନ ଉଠୁଛି ଅନ୍ୟ ଲୋକଙ୍କୁ ପୁଲିସ ଯେଉଁଭଳି ଭାବରେ ବ୍ୟବହାର କରୁଛି, ମନ୍ତ୍ରୀଙ୍କ ପୁଅକୁ କାହିଁକି ଅଲଗା ବ୍ୟବହାର କରାଯାଉଛି ? ନା’ ମନ୍ତ୍ରୀଙ୍କ ପୁଅ ହେବାର ଲାଭ ଇଏ ? ଏନେଇ ଦେଶର ସର୍ବୋଚ୍ଚ କୋର୍ଟ ମଧ୍ୟ ଆପତ୍ତି ଉଠାଇଛନ୍ତି । ଏହି ମାମଲାରେ ବେଶ ଗମ୍ଭୀର । ଯେଉଁ ପ୍ରକାରରରେ ଅନ୍ୟ ଲୋକଙ୍କୁ ପୁଲିସ ବ୍ୟବହାର କରୁଛି, ଠିକ ସେହି ପ୍ରକାରରେ ଏହି ମାମଲାର ଅଭିଯୁକ୍ତ ଥିବା ବ୍ୟକ୍ତିଙ୍କୁ ମଧ୍ୟ ବ୍ୟବହାର କରିବା ଉଚିତ ବୋଲି ସୁପ୍ରିମକୋର୍ଟ କହିଛନ୍ତି ।

ଏହା ସହ ଘଟଣାର ତଦନ୍ତ ସନ୍ତୋଷଜନକ ନୁହେଁ । ଅନ୍ୟ କୌଣସି ସଂସ୍ଥାକୁ ତଦନ୍ତ ଦାୟିତ୍ୱ ଦିଆଯାଉ ବୋଲି ଆଜି ଶୁଣାଣି କରି ସବୋର୍ଚ୍ଚ ଅଦାଲତ କହିଛନ୍ତି । ଅନ୍ୟ ସଂସ୍ଥା ତଦନ୍ତ ଦାୟିତ୍ୱ ନେବା ଯାଏ ସମସ୍ତ ସାକ୍ଷ୍ୟ, ପ୍ରମାଣ ସହ ଦସ୍ତାବିଜକୁ ସଂରକ୍ଷଣ ରଖିବାକୁ ସୁପ୍ରିମକୋର୍ଟ କହିଛନ୍ତି । ଦସ୍ତାବିଜର ଉଚିତ ସଂରକ୍ଷଣ ନେଇ ରାଜ୍ୟକୁ ନିର୍ଦ୍ଦେଶ ଦେବା ସହ ଏନେଇ ରାଜ୍ୟ ସରକାର ତାଙ୍କ ଡିଜିପିଙ୍କୁ ନିର୍ଦ୍ଦେଶ କରନ୍ତୁ ବୋଲି ଆଜି ଶୁଣାଣି କରି କୋର୍ଟ କହିଛନ୍ତି। ଏହି ମାମଲାର ପରବର୍ତ୍ତୀ ଶଣାଣି ଆସନ୍ତା ୨୩ ତାରିଖରେ ହେବ।