ଛାତ୍ରାବାସ ରାଗିଙ୍ଗ ଘଟଣା, ୭ଜଣ ପିଲାଙ୍କ ନାମରେ ମାମଲା ରୁଜୁ

ରାୟଗଡ଼ା (ବଡ଼ ଖବର ବ୍ୟୁରୋ): ଛାତ୍ରାବାସରେ ରାଗିଙ୍ଗ ଘଟଣା । ୭ଜଣ ପିଲାଙ୍କୁ ଟିସି ଦେଇ ବିଦାକଲା ମଙ୍ଗଳ ବିଭାଗ । ସେମାନଙ୍କ ନାମରେ ମାମଲା ରୁଜୁ । ରାୟଗଡା ଜିଲା କୋଲନରା ବ୍ଲକ ରିଭଲକଣା ସରକାରୀ ଉଚ୍ଚ ବିଦ୍ୟାଳୟ ଛାତ୍ରାବାସରେ ରାଗିଙ୍ଗ ଘଟଣାରେ ବିଦ୍ୟାଳୟରେ ପହଞ୍ଚି ମାଡ ଖାଇଥିବା ପିଲାଙ୍କ ପରିବାର ଲୋକେ ବିଶୃଙ୍ଗଳିତ ଛାତ୍ରଙ୍କୁ ବିଦ୍ୟାଳୟରୁ ବାହାର କରିବା ପାଇଁ ଦାବି କରିଥିଲେ । ମାଡ ପରେ ବିଭାଗର ଘନଘନ ବୈଠକ ପରେ ମାଡ ମାରିଥିବା ଛାତ୍ର ସହ ବିଶୃଙ୍ଗଳିତ ଅନ୍ୟ ୬ଜଣଙ୍କୁ ଟିସି ଦେଇ ବିଦା କରିଛି ମଙ୍ଗଳ ବିଭାଗ । ବିଦ୍ୟାଳୟ କର୍ତ୍ତୃପକ୍ଷ ୭ ଜଣଙ୍କ ନାମରେ ମାମଲା ରୁଜୁ କରିଛି । ସେପଟେ ହଷ୍ଟେଲ ଛାଡି ଦଶମ ପିଲା ଫେରାର ହୋଇଯାଇ ଥିବା ସୂଚନା ମିଳିଛି ।