ଭାରତ ପାକିସ୍ତାନ ମଧ୍ୟରେ ଥିବା ସମସ୍ୟାର ସମାଧାନ ଆବଶ୍ୟକ : ତାଲିବାନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ତାଲିବାନ ମୁଖପାତ୍ର ଜାବୁଲା ମୁଜାହିଦ ପାକିସ୍ତାନର ଏକ ଟିଭି ଚ୍ୟାନେଲକୁ ସାକ୍ଷାତକାର ଦେଇ କହିଛନ୍ତି ଯେ, ଭାରତ ଓ ପାକିସ୍ତାନ ମଧ୍ୟରେ ଚାଲିଥିବା ସମସ୍ୟାର ସମାଧାନ ହେବା ଆବଶ୍ୟକ । ଏହାଛଡ଼ା ସେ ଏହାମଧ୍ୟ କହିଛନ୍ତି ଯେ, ଏହି ପ୍ରସଙ୍ଗରେ ଉଭୟ ଦେଶ ଏକାସହ ବସି ଆଲୋଚନା କରିବା ଦରକାର । କାରଣ ଉଭୟ ପଡୋଶୀ ଏବଂ ସେମାନଙ୍କର ସ୍ୱାର୍ଥ ପରସ୍ପର ସହ ଜଡିତ ।

ପାକିସ୍ତାନର ଏକ ଟିଭି ଚ୍ୟାନଲକୁ ଏପରି ମନ୍ତବ୍ୟ ଦେଇଛନ୍ତି ଜାବୁଲ୍ଲା ମୁଜାହିଦ୍ । ସେ ବିଶେଷ କରି ଭାରତ ସହିତ ପାକିସ୍ଥାନ ସମ୍ପର୍କ ବିଷୟରେ କହିଛନ୍ତି । ଭାରତ ସମେତ ଅନ୍ୟ ଦେଶ ମାନଙ୍କ ସହିତ ଭଲ ସମ୍ପକ ଚାହୁଁଛି ତାଲିବାନ । ସେ ଆହୁରି ମଧ୍ୟ କହିଛନ୍ତି ଯେ ଆଫଗାନିସ୍ତାନର ଲୋକଙ୍କ ସ୍ୱାର୍ଥ ଅନୁଯାୟୀ ଭାରତ ଏହାର ନୀତି ପ୍ରସ୍ତୁତ କରୁଛି । ସେ ସ୍ପଷ୍ଟ ଭାବରେ କହିଛନ୍ତି ଯେ ତାଲିବାନ ଆଫଗାନିସ୍ତାନ ମାଟିକୁ ଅନ୍ୟ କୈାଣସି ଦେଶ ବିରୋଦ୍ଧରେ ବ୍ୟବହାର କରିବାକୁ ଦେବ ନାହିଁ ।