ବ୍ରିଜ ଉପରୁ ପଡ଼ି ଶ୍ରମିକ ମୃତ

କଣିହାଁ (ବଡ଼ ଖବର ବ୍ୟୁରୋ): ଅନୁଗୁଳ ଜିଲ୍ଲା କଣିହାଁ ବ୍ଲକ ଅନ୍ତର୍ଗତ ସମଲ ବ୍ରାହ୍ମଣୀ ନଦୀ ଉପରେ ନିର୍ମାଣାଧିନ ରେଲୱେ ଓଭରବ୍ରିଜ ଉପରୁ ପଡ଼ି ଶ୍ରମିକଙ୍କ ମୃତ୍ୟୁ ହୋଇଛି । ଅସୁରକ୍ଷିତ ଭାବେ କାମ କରୁଥିବା ଡଙ୍ଗରବେଡା ଗାଁର ଭୋଳେଶ୍ୱର ଭୁକ୍ତା ୪୫ଫୁଟ ତଳକୁ ଖସପଡିଥିଲେ । ତାଙ୍କୁ ସଙ୍ଗେ ସଙ୍ଗେ ତାଳଚେର ଡାକ୍ତରଖାନା ରେ ଭର୍ତ୍ତି କରାଯାଇଥିଲା। କିନ୍ତୁ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି। ଉଚ୍ଚସ୍ଥାନରେ କାମ କରୁଥିବା ଶ୍ରମିକମାନଙ୍କୁ ସେଫ୍ଟିବେଲ୍ଟ ଦିଆ ଯାଇନଥିବା ବେଳେ ସୁରକ୍ଷା ପାଇଁ କୌଣସି ବ୍ୟବସ୍ଥା ଗ୍ରହଣ କରାଯାଇ ନଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକେ । ପରିବାର ଲୋକଙ୍କ ଅଭିଯୋଗ ପରେ ସମଲ ପୋଲିସ୍ ଥାନାରେ ରୁଜୁ କରିବା ସହିତ ଘଟଣାର ତଦନ୍ତ କରୁଛି ପୋଲିସ ।