୮  ଦିନ ହେଲାଣି ନାହିଁ ପାଣି, ଗରା ବାଲଟି ଧରି ଅନଶନରେ ଗ୍ରାମବାସୀ

କଣ୍ଟାବାଞ୍ଜି (ବଡ଼ ଖବର ବ୍ୟୁରୋ): ପାଣି ସମସ୍ୟା ନେଇ କଣ୍ଟାବାଞ୍ଜି ଗୁଡିଘାଟ ରାସ୍ତା ବନ୍ଦ କଲେ ନୂଆପଡ଼ା ୱାର୍ଡ ନମ୍ବର ୫ ଏବଂ ୬ ର ବାସିନ୍ଦା । ୮ ଦିନ ହେଲା ଆସୁନାହିଁ ପାଣି । ପାଣି ଯୋଗାଇବା ପାଇଁ ଅନେକ ଥର ପ୍ରଶାସନ କୁ ଜଣାଇ ଥିଲେ ମଧ୍ୟ କୌଣସି ସୁଫଳ ମିଳି ନାହିଁ। ଏହି ୱାର୍ଡ ରେ ପାଣି ର କୌଣସି ସୁବିଧା ନଥିବାରୁ ଅଞ୍ଚଳ ବାସୀ ପାଣି ପାଇଁ ନାହିଁ ନ ଥିବା ଅସୁବିଧାର ସମ୍ମୁଖିନ ହେଉଛନ୍ତି ।

ସରକାର କୋଟି କୋଟି ଟଙ୍କା ବ୍ୟୟ କରି ଏହି ୱାର୍ଡ ଦେଇ ବିଶୁଦ୍ଧ ପାନୀୟ ଜଳ ପ୍ରକଳ୍ପ କାର୍ଯ୍ୟ କରିଛନ୍ତି କିନ୍ତୁ ଏତେ ଟଙ୍କା ଖର୍ଚ୍ଚ କରି ମଧ୍ୟ ଲୋକେ ପ୍ରଚଣ୍ଡ ଖରାରେ ପାଣି ପାଇଁ ଡହଳ ବିକଳ ହେଉଛନ୍ତି । ପ୍ରଚଣ୍ଡ ଖରାରେ ବାଲଟି ,ଗରିଆ ,ମାଠିଆ ଧରି ରାସ୍ତା ଉପରେ ଅନଶନ କରି ରାସ୍ତା ବନ୍ଦ କରିଛନ୍ତି ଶତାଧିକ ମହିଳା ଏବଂ ଶିଶୁ । ପାଣି ନ ଆସିବା ପର୍ୟ୍ୟନ୍ତ ରାସ୍ତା ଅବରୋଧ ରହିବ ବୋଲି ଚେତାବନୀ ଦେଇଛନ୍ତି ।