୭ ବାଇକ୍ ଲୁଟେରା ଗିରଫ, ୨୮ବାଇକ୍ ଜବତ

କଣ୍ଟାବାଞ୍ଜି (ବଡ଼ ଖବର ବ୍ୟୁରୋ): ଲକଡାଉନ୍-ସଟଡାଉନ ସମୟରେ କଣ୍ଟାବାଞ୍ଜି ତଥା ଆଖପାଖ ଥାନା ଅଞ୍ଚଳରେ ଦିନକୁ ଦିନ ବାଇକ୍ ଚୋରି ହେଉଥିବା ଅଭିଯୋଗ ହେଉଥିଲା । ବାଇକ୍ ଚୋରମାନେ ନୂଆ ପୁରୁଣା ବାଇକ୍ ଚୋରିକରି ଫେରାର ହୋଇଯାଉଥିଲେ । ବାଇକ୍ ଚୋରି ରାକେଟକୁ ଠାବ କରିବା ପାଇଁ ବଲାଙ୍ଗୀର ଏସପିଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇଥିଲା । ପୋଲିସ ପ୍ରଥମେ କଣ୍ଟାବାଞ୍ଜି ପୁରୁଣା ବସ୍ତିର ମାଷ୍ଟର ମାଇଣ୍ଡ ମୁକେଶ ବରଗେକୁ  ଗିରଫ କରି ତଦନ୍ତ ଆରମ୍ଭ କଲା । ପରେ ବାଇକ ରାକେଟ୍ ଏକ ଗ୍ୟାଙ୍ଗ କାମ କରୁଥିବା ଜଣାଡ଼ିଥିଲା ।

ଏହି ଗ୍ୟାଙ୍ଗରେ କଣ୍ଟାବାଞ୍ଜି ଥାନାର ସତନାମୀ ପଡାର ସଂକୀର୍ତ୍ତନ ସତନାମୀ, ବେଳପଡା ଥାନା ଖଲଖଲି ଗାଁର ସତ୍ୟନାରାୟଣ ମାଝୀ, ପୀତବାସ ବାଗ, ରମେଶ ମାଝୀ, ଧୂମାଭଟା ଗାଁର ତ୍ରିଲୋଚନ ରାଉତ ସାମିଲ ଥିଲେ । ଗିରଫ ବାଇକ୍ ଚୋରମାନଙ୍କଠାରୁ ପୋଲିସ ୨୮ଟି ବାଇକ ଜବତ କରିଛି । ଗିରଫ ଚୋରମାନଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ଦେଇଛନ୍ତି କଣ୍ଟାବାଞ୍ଜି ଏସପି ।