କୁସ୍ତି ଯୋଦ୍ଧାଙ୍କ ବିରୋଧରେ ଲୁକଆଉଟ୍ ନୋଟିସ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆନ୍ତର୍ଜାତୀୟ କୁସ୍ତି ଯୋଦ୍ଧା ସୁଶୀଲ କୁମାରଙ୍କ ବିରୋଧରେ ଜାରି ହୋଇଛି ଲୁକଆଉଟ୍ ନୋଟିସ । ଅପହରଣ ଓ ହତ୍ୟା ମାମଲାରେ ଦିଲ୍ଲୀ ପୋଲିସ ଜାରି କରିଛି ତଲାସି ନୋଟିସ । କନିଷ୍ଠ କୁସ୍ତିଯୋଦ୍ଧା ସାଗର ହତ୍ୟା ମାମଲାରେ ଫେରାର ଅଛନ୍ତି ସୁଶୀଲ । ସୂଚନା ମୁତାବକ, ଛତ୍ରଶାଲ ଷ୍ଟାଡିୟମ ନିକଟରେ ୨ ଗୋଷ୍ଠୀର କୁସ୍ତିଯୋଦ୍ଧାଙ୍କ ମଧ୍ୟରେ ସଂଘର୍ଷ ହୋଇଥିଲା । ଏଥିରେ କୁସ୍ତି ଯୋଦ୍ଧା ସାଗରଙ୍କର ମୃତ୍ୟୁ ହୋଇଥିବା ସହ ୪ ଜଣ ସହଯୋଗୀ ଆହତ ମଧ୍ୟ ହୋଇଥିଲେ।

ଏହି ଘଟଣା ପରେ ଫେରାର ଥିଲେ କୁସ୍ତିଯୋଦ୍ଧା ସୁଶୀଲ କୁମାର । ବର୍ତ୍ତମାନ ଦିଲ୍ଲୀ ପୋଲିସ ତାଙ୍କ ବିରୋଧରେ ଜାରି କରିଛନ୍ତି ଲୁକଆଉଟ୍ ନୋଟିସ । ଲୁକ ଆଉଟ ନୋଟିସ ଜାରି ହେବା ପରେ ବିଭିନ୍ନ ରାଜ୍ୟର ପୋଲିସ ତାଙ୍କୁ ଖୋଜୁଛି । ସୂଚନା ମୁତାବକ, ୨୦୦୮ ଅଗଷ୍ଟ ୨୦ରେ ସେ ବେଜିଂ ଅଲମ୍ପିକରେ ପ୍ରଥମ ଅଲମ୍ପିକ ମେଡାଲ ପାଇଥିଲେ ।