କିଛି ଦିନ ହେବ ମଣିପୁର ଶାନ୍ତି ଆଡ଼କୁ ଆଗଉଛି : ନରେନ୍ଦ୍ର ମୋଦି

ନୂଆଦିଲ୍ଲୀ(ବଡ଼ ଖବର ବ୍ୟୁରୋ):  ଆଜି ଦେଶ ୭୭ ତମ ସ୍ୱାଧୀନତା ଦିବସ ପାଳନ କରୁଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦଶମ ଥର ପାଇଁ ଲାଲକିଲ୍ଲାର ପ୍ରାଚୀରରୁ ଦେଶକୁ ସମ୍ବୋଧିତ କରୁଛନ୍ତି। ପ୍ରଧାନମନ୍ତ୍ରୀ ଅଭିବାଦନ ଗ୍ରହଣ କରି ଜାତୀୟ ପତାକା ଉତ୍ତୋଳନ କରିଛନ୍ତି। ଏହା ପୂର୍ବରୁ ପ୍ରଧାନମନ୍ତ୍ରୀ ମୋଦି ରାଜଘାଟରେ ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ପ୍ରଧାନମନ୍ତ୍ରୀ ମୋଦୀ ମଧ୍ୟ ଟୁଇଟ୍ କରି ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ ଟୁଇଟ୍ କରିଛନ୍ତି, ‘ସ୍ୱାଧୀନତା ଦିବସରେ ଆପଣ ସମସ୍ତଙ୍କୁ ଅନେକ ଶୁଭେଚ୍ଛା। ଆସନ୍ତୁ, ଏହି ଐତିହାସିକ ଅବସରରେ, ଅମୃତକାଳରେ ଏକ ବିକଶିତ ଭାରତର ସଂକଳ୍ପକୁ ଦୃଢ଼ କରିବା, ଜୟ ହିନ୍ଦ’।

ଲାଲକିଲ୍ଲାରୁ ସମ୍ବୋଧି୍ତ କରି ସ୍ୱାଧୀନତା ସଂଗ୍ରାମୀଙ୍କୁ ମନେପକାଇଲେ ପ୍ରଧାନମନ୍ତ୍ରୀ । ପ୍ରାକୃତିକ ବିପର୍ଯ୍ୟୟ ଦେଶର କିଛି ସ୍ଥାନରେ ସଙ୍କଟ ସୃଷ୍ଟି କରିଛି । କେନ୍ଦ୍ର ଓ ରାଜ୍ୟ ସରକାର ମିଶି ଏହାର ମୁକାବିଲା କରିବେ । ମଣିପୁର ହିଂସା ଦୁର୍ଭାଗ୍ୟଜନକ । କିଛି ଦିନ ହେବ ମଣିପୁର ଶାନ୍ତି ଆଡ଼କୁ ଆଗଉଛି । ଦେଶ ମଣିପୁର ଲୋକଙ୍କ ସହ ଅଛି । ଦେଶ ଦୀର୍ଘ ବର୍ଷ ଧରି ପରାଧୀନ ରହିଥିଲା । ସ୍ୱାଧୀନତା ପାଇଁ ସବୁବର୍ଗ ଲଢେଇ କରିଥିଲେ । ଦେଶ ସାମ୍ନାରେ ଏବେ ନୂଆ ସୁଯୋଗ ଆସିଛି । ଏବେ ଅମୃତକାଳର ପ୍ରଥମ ବର୍ଷ । ଆଜିର ପଦକ୍ଷେପ ଆଗାମୀ ଦିନ ପାଇଁ ରାସ୍ତା ତିଆରି କରିବ ।