Masthead

ବଦଳିବ ଉଠାଦୋକାନୀଙ୍କ ଭାଗ୍ୟ

ଭୁବନେଶ୍ୱର (ବଡ଼ ଖବର ବ୍ୟୁରୋ): ନନ୍ଦନକାନନ ପ୍ରାଣୀଉଦ୍ୟାନରେ ଉଚ୍ଛେଦ କରାଯାଇଥିବା ବ୍ୟବସାୟୀମାନଙ୍କୁ ଥଇଥାନ କରାଯିବ । ନନ୍ଦନକାନନ ପ୍ରାଣୀଉଦ୍ୟାନ ଓ ମଲ୍ଟି ପାର୍କିଂ ସ୍ଥଳର ସୌନ୍ଦର୍ଯ୍ୟକରଣ ପାଇଁ ଉକ୍ତ ଅଞ୍ଚଳରୁ ଉଚ୍ଛେଦ କରାଯାଇଥିବା ଉଠାଦୋକାନୀଙ୍କୁ କରାଯିବ ଥଇଥାନ। ଏ ନେଇ ଆଜି ନନ୍ଦନକାନନ ପ୍ରାଣୀଉଦ୍ୟନର କନଫରେନ୍ସ ହଲରେ ସଭା ଅନୁଷ୍ଠିତ ହୋଇଯାଇଛି । ନନ୍ଦନକାନନ ଉପନିର୍ଦେଶକ ବିମଳ ପ୍ରସନ୍ନ ଆଚାର୍ଯ୍ୟଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ପରିବାରର ଗୁଜୁରାଣ ମେଣ୍ଟାଉଥିବା ୪୬ ଜଣ ଉଠାଦୋକାନୀଙ୍କ ଥଇଥାନ ସମ୍ପର୍କରେ ଆଲୋଚନା କରାଯାଇଥିଲା। ନନ୍ଦନକାନନ ସମ୍ମୁଖରେ ଜାଗା ଚିହ୍ନଟ କରି ଥାଇଥାନ କରାଯାଉ ବୋଲି ଦାବି କରିଛନ୍ତି ଉଠାଦୋକାନୀଙ୍କ ସମେତ ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ କୁମାର ରାଉତ । ସେପଟେ ନନ୍ଦନକାନନ କାର୍ତ୍ତୃପକ୍ଷ ବଣିକ ସଂଘର ନିଷ୍ପତ୍ତିକୁ ସ୍ୱାଗତ କରିଛନ୍ତି । ଖୁବଶୀଘ୍ର ଜାଗା ଯୋଗାଇଦେବା ପାଇଁ ରାଜ୍ୟ ସରକାରଙ୍କୁ ପ୍ରସ୍ତାବ ଦିଆଯିବ ବୋଲି କହିଛନ୍ତି ନନ୍ଦନକାନନ ଉପନିର୍ଦେଶକ ।

ନନ୍ଦନକାନନ ମୁଖ୍ୟଫାଟକ ସମ୍ମୁଖର ଉଭୟ ପାର୍ଶ୍ଵରେ ୪୬ ଜଣ ଉଠାଦୋକାନୀ ଦୀର୍ଘ ବର୍ଷଧରି ବ୍ୟବସାୟ କରିଆସୁଥିଲେ। ନନ୍ଦନକାନନ ପ୍ରାଣୀଉଦ୍ୟନର ମୁଖ୍ୟଫାଟକର ସୌନ୍ଦର୍ଯ୍ୟକରଣ ଓ ମଲ୍ଟିପାର୍କିଂ ସ୍ଥଳର ସୌନ୍ଦର୍ଯ୍ୟକରଣ ଦାୟିତବ ନେଇଛି ଭୁବନେଶ୍ବର ଗୃହ ନିର୍ମାଣ ଡିଭିଜନ-୩ । ଡିଭିଜନର ଅନୁରୋଧ କ୍ରମେ ବିଡିଏ ତରଫରୁ ୪୬ ଦୋକାନୀଙ୍କୁ ଉଚ୍ଛେଦ କରାଯାଇଥିଲା। ତେବେ ଦୋକାନ ଉଛେଦକୁ ନେଇ ନନ୍ଦନକାନନ ବଣିକ ସଂଘ ଉଦବେଗ ପ୍ରକାଶ କରିଥିଲା । ସମସ୍ତ ଦୋକାନୀଙ୍କୁ କିପରି ଥଇଥାନ କରାଯିବ ସେନେଇ ନନ୍ଦନକାନନ କର୍ତ୍ତୃପକ୍ଷ, ଭୁବନେଶ୍ୱର ବିଜେଡି ସଭାପତି ସୁବାସ ପାତ୍ରଙ୍କ ସମେତ ଜିଲ୍ଲାପରିଷଦ ସଭ୍ୟ କୁନାଲ ରାଉତ, ସରପଞ୍ଚ ପବିତ୍ର ପାତ୍ର, ସମିତିସଭ୍ୟା ଝୁନା ରାଉତ, ବଣିକସଂଘର ସଭାପତି, ସମ୍ପାଦକ ପ୍ରମୁଖ ଉକ୍ତ ବୈଠକରେ ଉପସ୍ଥିତ ଥିଲେ ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 ୨୪ ମାଓବାଦୀଙ୍କ ଆତ୍ମସମର୍ପଣ 🔴 ବିଧାୟକ ଆଶ୍ରିତ ପଟ୍ଟନାୟକଙ୍କ ଗାଡ଼ି ଭଙ୍ଗାରୁଜା, ଡ୍ରାଇଭରକୁ ମାଡ଼ 🔴 ଗତକାଲି ରାତିରେ ଏଲଓସିରେ ଗୁଳିବର୍ଷା 🔴 ପରୋପକାର ବ୍ୟକ୍ତି ଗୌନ୍ତିଆ ଦଳଗଞ୍ଜନ ପ୍ରଧାନଙ୍କ ଦେହାନ୍ତ 🔴 ମୋଦି-ରାଜନାଥ ବୈଠକ, ପାକିସ୍ତାନ ଉପରେ ବଦଲା! 🔴 ୪୮ ଘଣ୍ଟାରେ ଭାରତ ଛାଡ଼ିଲେଣି ୫୩୭ ପାକିସ୍ତାନୀ ନାଗରିକ 🔴 ବ୍ୟାନ ହେଲା ୧୬ ପାକିସ୍ତାନୀ ୟୁଟ୍ୟୁବ ଚ୍ୟାନେଲ 🔴 ସୀମାରେ ପୁଣି ଗୁଳି ବର୍ଷା; ମୁହଁତୋଡ ଜବାବ ଦେଲା ଭାରତ 🔴 ପ୍ରଧାନମନ୍ତ୍ରୀଙ୍କୁ ଭେଟିବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ 🔴 OSSC ପରୀକ୍ଷାରେ ବଡ଼ ତ୍ରୁଟି 🔴 ୨୪ ମାଓବାଦୀଙ୍କ ଆତ୍ମସମର୍ପଣ 🔴 ବିଧାୟକ ଆଶ୍ରିତ ପଟ୍ଟନାୟକଙ୍କ ଗାଡ଼ି ଭଙ୍ଗାରୁଜା, ଡ୍ରାଇଭରକୁ ମାଡ଼ 🔴 ଗତକାଲି ରାତିରେ ଏଲଓସିରେ ଗୁଳିବର୍ଷା 🔴 ପରୋପକାର ବ୍ୟକ୍ତି ଗୌନ୍ତିଆ ଦଳଗଞ୍ଜନ ପ୍ରଧାନଙ୍କ ଦେହାନ୍ତ 🔴 ମୋଦି-ରାଜନାଥ ବୈଠକ, ପାକିସ୍ତାନ ଉପରେ ବଦଲା! 🔴 ୪୮ ଘଣ୍ଟାରେ ଭାରତ ଛାଡ଼ିଲେଣି ୫୩୭ ପାକିସ୍ତାନୀ ନାଗରିକ 🔴 ବ୍ୟାନ ହେଲା ୧୬ ପାକିସ୍ତାନୀ ୟୁଟ୍ୟୁବ ଚ୍ୟାନେଲ 🔴 ସୀମାରେ ପୁଣି ଗୁଳି ବର୍ଷା; ମୁହଁତୋଡ ଜବାବ ଦେଲା ଭାରତ 🔴 ପ୍ରଧାନମନ୍ତ୍ରୀଙ୍କୁ ଭେଟିବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ 🔴 OSSC ପରୀକ୍ଷାରେ ବଡ଼ ତ୍ରୁଟି