ରାହୁଲ ଗାନ୍ଧି ଷଡ଼ଯନ୍ତ୍ରର ଶିକାର ହୋଇଛନ୍ତି: ନରସିଂହ ମିଶ୍ର

ଭୁବନେଶ୍ୱର (ବଡ଼ ଖବର ବ୍ୟୁରୋ): ଭାରତରେ ଗଣତନ୍ତ୍ର ବୋଲି କିଛି ନାହିଁ । ଗଣତନ୍ତ୍ର ଧ୍ୱଂସ ହୋଇଛି । ଆମେ ଆଗରୁ ଯାହା କହିଥିଲୁ ତାହା ପ୍ରମାଣୀତ ହୋଇଛି । ରାହୁଲ ଗାନ୍ଧିଙ୍କ ସଦସ୍ୟ ପଦ ରଦ୍ଦକୁ ନେଇ ଏଭଳି କହିଛନ୍ତି ନରସିଂହ ମିଶ୍ର । ରାହୁଲଙ୍କ ସଦସ୍ୟ ପଦ ରଦ୍ଦ କରିବାରେ ସୁ ଚିନ୍ତିତ ଷଡ଼ଯନ୍ତ୍ର ହୋଇଛି । ରାହୁଲ ଗାନ୍ଧି ଷଡ଼ଯନ୍ତ୍ରର ଶିକାର ହୋଇଛନ୍ତି । ସବୁ ପରମ୍ପରାକୁ ପଛରେ ପକାଇ , ଗଣତନ୍ତ୍ର ପରମ୍ପରାକୁ ଆଖି ଆଗରେ ନ ରଖି ତରବରିଆ ଭାବରେ ସଦସ୍ୟ ପଦ ରଦ୍ଦ ହୋଇଛି। ଉପର ଅଦାଲତକୁ ଯିବ କଂଗ୍ରେସ ଏବଂ ନ୍ୟାୟର ଜୟ ହେବ । ଏହାର ପ୍ରତିବାଦ ସାରା ଭାରତ ବର୍ଷରେ ହେବ ।