ମନସୁନ ସେସନ୍: ସରକାରଙ୍କୁ ଘେରିବେ ବିରୋଧୀ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଜିଠୁ ସଂସଦର ମୌସୁମୀ ଅଧିବେଶନ । ନିର୍ବାଚନ ପୂର୍ବରୁ ପାର୍ଲାମେଂଟ ସେସନ୍ । ସରଗରମ ହେବ ସଂସଦର ମୌସୁମୀ ଅଧିବେଶନ । ବିରୋଧୀଙ୍କ ହାତରେ ଦରଦାମ ଅସ୍ତ୍ର ସହ ମଣିପୁର ହିଂସା ଓ କେନ୍ଦ୍ରୀୟ ତଦନ୍ତକାରୀ ସଂସ୍ଥାର ଦୁରୂପଯୋଗ ପ୍ରସଙ୍ଗରେ ତାତିବ ପାର୍ଲାମେଂଟ । ସେପଟେ କାଉଂଟର କରିବାକୁ ବିଜେପି ମଧ୍ୟ ରଣନୀତି ପ୍ରସ୍ତୁତ କରିଛି । ବାହାରେ ଏନଡିଏକୁ ଟକ୍କର ଦେବ ଇଣ୍ଡିଆ ।

ଖାଲି ସେତିକି ନୁହେଁ ସଂସଦରେ ବି ପ୍ରତିଫଳିତ ହେବ ବିରୋଧୀ ଏକତା । ଅଣଏନଡିଏ ଦଳ ମିଶି ସରକାରଙ୍କୁ ଆଟାକ୍ । ସଂଖ୍ୟା ବଳରେ ଶାସକ ମୁହଁତୋଡ଼ ଜବାବ ଦେବ ବୋଲି ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛି । ଗୁରୁତ୍ୱପୂର୍ଣ୍ଣ ବିଲ ପାସ୍ କରିପାରନ୍ତି ସରକାର । ଅଧିବେଶନ ଆଜିଠୁ ଆରମ୍ଭ ହୋଇ ଅଗଷ୍ଟ ୧୧ ପର୍ଯ୍ୟନ୍ତ ଚାଲିବ । ଏହି ଅଧିବେଶନରେ ୩୧ଟି ନୂଆ ବିଲ ପାରିତ ହୋଇପାରେ ।