ଟିମ୍ ଇଣ୍ଡିଆ ବିରୋଧରେ ଖେଳିବା ଅତ୍ୟନ୍ତ ସଂଘର୍ଷପୂର୍ଣ୍ଣ ହେବ: ୱିଲିୟମସନ୍

ନୂଆଦିଲ୍ଲୀ(ବଡ଼ ଖବର ବ୍ୟୁରୋ):ଜୁନ ୧୮ରୁ ସାଉଥମ୍ପଟନର ଏଜେସ ବାୱେଲଠାରେ ଖେଳାଯିବ ବିଶ୍ୱ ଟେଷ୍ଟ ଚାମ୍ପିଅନସିପ । ଯେଉଁଥିରେ ଭାରତ ବିପକ୍ଷରେ ନ୍ୟୁଜଲ୍ୟଣ୍ଡର ମ୍ୟାଚ ରହିଛି । ତେବେ ଏହାକୁ ନେଇ ଏବେଠାରୁ ବେଶ ଉତ୍ସାହିତ ଅଛନ୍ତି ନ୍ୟୁଜଲ୍ୟାଣ୍ଡର ଅଧିନାୟକ କେନ୍ ୱିଲିୟମସନ୍ । ବିରାଟ କୋହଲିଙ୍କ ନେତୃତ୍ୱରେ ଭାରତୀୟ ଟିମ ବିପକ୍ଷ ମ୍ୟାଚ ଖେଳିବା ଅତ୍ୟନ୍ତ ରୋମାଞ୍ଚକର ଓ ସଂଘର୍ଷପୂର୍ଣ୍ଣ ରହିବ ବୋଲି କହିଛନ୍ତି କେନ ।

ଏହାଛଡ଼ା ଭାରତ ବିପକ୍ଷର ପ୍ରତ୍ୟେକ ମ୍ୟାଚ ଏକ ନୂଆ ଆହ୍ୱାନ ନେଇ ଆସିଥିବା ମଧ୍ୟ ସେ କହିଛନ୍ତି । ତେବେ ସେ ଆହୁରି ମଧ୍ୟ କହିଛନ୍ତି ଯେ, ଏଥିରେ ବିଜେତା ହେବାକୁ ଆମେ ପ୍ରାଣପଣେ ଚେଷ୍ଟା କରିବୁ । ଭାରତ ପାଖରେ ଏକ ଭଲ ବୋଲିଂ ବାହିନୀ ରହିଛି । ସେମାନେ ଇଂଲଣ୍ଡ ପରିବେଶରୁ ମଧ୍ୟ ଫାଇଦା ଉଠାଇପାରିବେ ।କାରଣ ଆଗରୁ ମଧ୍ୟ ଭାରତୀୟ ବୋଲରମାନେ ଇଂଲଣ୍ଡରେ ଭଲ ପ୍ରଦର୍ଶନ କରିଛନ୍ତି ।