ତୈଳ ଉତ୍ତୋଳନର ହବ୍ ପାଲଟିବ ପୁରୀ

ପୁରୀ(ବଡ଼ ଖବର ବ୍ୟୁରୋ): ପୁରୀ ଗୋପରେ ତେଲ ଓ ପ୍ରାକୃତିକ ଗ୍ୟାସ ସନ୍ଧାନ ପାଇଁ ଲାଗିଲା ରିଗ୍ ମେସିନ୍ । ଦିଲ୍ଲୀର ଏକ ଘରୋଇ ସଂସ୍ଥା କ୍ୱିପୋ ହାତରେ ଏହି ଦାୟିତ୍ୱ ରହିଛି । ପ୍ରାଥମିକ ପର୍ୟ୍ୟାୟରେ ୧୦ ହଜାର ଫୁଟ ତଳକୁ ଖୋଳିବା ପାଇଁ ରିଗ୍ ମେସିନ ଲଗାଯାଇଛି । କୁଶୁପୁରର ୮ ଏକର ଜମିରେ ଏହି କାର୍ୟ୍ୟ ଚାଲିଛି । ୧୦ ହଜାର ଫୁଟ ତଳୁ କାଦୁଅକୁ ବିଶୋଧନ କରାଯିବ । ଅଶୋଧିତ ତେଲର ଯାଞ୍ଚ କରାଯିବ ପରେ ପାରାଦୀପ ତୈଳ ବିଶୋଧନଗାରକୁ ପଠାଯିବ।ତୈଳ ସନ୍ଧାନ ସମ୍ପୂର୍ଣ୍ଣ ପରେ ତୈଳ ଉତ୍ତୋଳନ ହବ ପାଲଟିବ ପୁରୀ ଜିଲ୍ଲାର ଗୋପ ।ସେପଟେ ଏହି ପ୍ରକଳ୍ପ ଦେଶର ତୈଳ ଆବଶ୍ୟକତା ମେଣ୍ଟେଇବା ସହ ସ୍ଥାନୀୟ ସାମାଜିକ ଓ ଅର୍ଥନୈତିକ ଅଭିବୃଦ୍ଧି ଓ ରୋଜଗାର ସୁଯୋଗ ସୃଷ୍ଟି କରିବ ।