ଝିଅକୁ ବାପା କରୁଥିଲା ବାରମ୍ବାର ଦୁଷ୍କର୍ମ, ତା’ପରେ…

କୋଲକାତା (ବଡ଼ ଖବର ବ୍ୟୁରୋ): ବାପା-ଝିଅର ଅନାବିଳ ସମ୍ପର୍କରେ ଲାଗିଛି କାଳିମା । ବାପା ଦେହରେ କିରୋସିନ ଢାଳି ହତ୍ୟା କଲା ଝିଅ । ୨୨ ବର୍ଷୀୟା ମହିଳା ବାପାଙ୍କୁ କୋଲକାତାରେ ରାତ୍ରୀ ଭୋଜନ ପାଇଁ ବାହାରକୁ ଆଣିବା ପରେ ତାଙ୍କ ଦେହରେ ନିଆଁ ଲଗାଇ ହତ୍ୟା କରିଛନ୍ତି । ମହିଳା ଜଣକ ତାଙ୍କ ପିତାଙ୍କ ସହ ରବିବାର ରାତିରେ ଏକ ରେଷ୍ଟୁରାଣ୍ଟରେ ରାତ୍ରୀ ଭୋଜନ କରିବାକୁ ଯାଇଥିଲେ । ସେଠାରେ ତାଙ୍କ ବାପା ମଦ୍ୟପାନ କରିଥିଲେ । ତା’ପରେ ସେମାନେ ଚାଡପାଲ ଘାଟକୁ ବୁଲିବାକୁ ଯାଇଥିଲେ । ହୁଗୁଳି ନଦୀ କୂଳରେ ଥିବା ଏକ ବେଞ୍ଚରେ ବସି କଥାବାର୍ତ୍ତା କରୁଥିବା ବେଳେ ୫୬ ବର୍ଷିୟା ବାପା ଶୋଇପଡିଥିଲୋ ମହିଳା ଜଣକ ତାଙ୍କ ଉପରେ କିରୋସିନ ଢାଳି ନିଆଁ ଲଗାଇ ଦେଇଥିଲେ ।

ସିସିଟିଭିରେ ପୂରା ଘଟଣା ଧରାଯାଇଥିଲା । ମହିଳା ଜଣକ ତାଙ୍କ ବାପାଙ୍କୁ ହତ୍ୟା କରିଥିବା ସ୍ୱୀକାର କରିଛନ୍ତି । ପାର୍କ ସର୍କସ ନିକଟ କ୍ରିଷ୍ଟୋଫର ରୋଡରେ ରହୁଥିବା ମହିଳାଙ୍କୁ ତାଙ୍କ ମାମୁଙ୍କ ଅଭିଯୋଗରେ ଗିରଫ କରାଯାଇଛି । ମହିଳା ଜଣକ ପୋଲିସ ଆଗରେ ଦେଇଥିବା ବୟାନ ଶୁଣିଲେ ମୁଣ୍ଡ ଘୂରାଇ ଯିବ । ମହିଳା ଜଣକ କହିଛନ୍ତି, ସେ ୭ ବର୍ଷର ହୋଇଥିବା ବେଳେ ତାଙ୍କ ମାଆଙ୍କ ମୃତ୍ୟୁ ହୋଇଥିଲା । ସେହି ଦିନଠାରୁ ତାଙ୍କ ବାପା ତାଙ୍କ ସହ ଶାରୀରିକ ସମ୍ପର୍କ ରଖିବାକୁ ବାଧ୍ୟ କରୁଥିଲେ । ସେ ପ୍ରତିବାଦ କଲେ ତାଙ୍କ ବାପା ତାଙ୍କୁ ନିସ୍ତୁକ ମାଡ଼ ମାରୁଥିଲେ ।

ପ୍ରତିଦିନ ରାତିରେ ତାଙ୍କ ବାପା ମଦପିଇ ଘରକୁ ଫେରି ଶାରୀରିକ ସମ୍ପର୍କ ରଖୁଥିଲେ । ପଡୋଶୀଙ୍କ ଚାପରେ ବାପା ତାଙ୍କୁ ବିବାହ କରାଇଥିଲେ । ମାତ୍ର ସେ ବେଶୀଦିନ ସ୍ୱାମୀଙ୍କ ସହ ଘର ସଂସାର କରିପାରିନଥିଲେ । ବାପାଙ୍କ ପରୋଚନାରେ ସ୍ୱାମୀ ତାଙ୍କୁ ଛାଡିଦେଇଥିଲେ । ଘରକୁ ଆସିବା ପରେ ବାପା ପୁଣି ଶାରୀରିକ ସମ୍ପର୍କ ରଖିଥିଲେ । ଭଗବାନ ଏଭଳି ବାପା ସଂସାରରେ କାହାକୁ ନଦିଅନ୍ତୁ ଚିନ୍ତାକରି କିରୋସିନିଡାଳି ଜୀଅନ୍ତା ପୋଡିଦେଲି ବୋଲି ମହିଳା ଜଣକ ପୋଲିସକୁ କହିଛନ୍ତି ।