ଚୋରା କୋଇଲା ଗାଡ଼ି ଦୁର୍ଘଟଣା, ଅଳ୍ପକେ ବର୍ତ୍ତିଲେ ଥାନା ଅଧିକାରୀ

ଚାନ୍ଦବାଲି(ବଡ଼ ଖବର ବ୍ୟୁରୋ): ରାସ୍ତା କଡ଼କୁ ଓଲଟି ପଡିଲା ଚୋରା କୋଇଲା ଗାଡ଼ି । ଅଳ୍ପକେ ବର୍ତ୍ତିଲେ ପିରହାଟ ଥାନା ଅଧିକାରୀ । ଦିନକୁ ଦିନ ବଢ଼ିବାରେ ଲାଗିଛି କୋଇଲା ମାଫିଆଙ୍କ ଦୌରାତ୍ମ୍ୟ । ଧାମରା ଭଦ୍ରକ ଦେଇ ଆସୁଥିବା ଚଳନ୍ତା ଟ୍ରେନରୁ ବିପଦ ସଂକୁଳ ଅବସ୍ଥାରେ କୋଇଲା ଆଣି ସେହି କୋଇଲାକୁ ସାଗ ମାଛ ଦରରେ ବିକ୍ରି କରିଥାନ୍ତି। ଗତକାଲି ନରେନ୍ଦ୍ରପୁରରୁ ବାହାରି ଦୁଇଟି ଚୋରା କୋଇଲା ପିକଅପ ସୁନେଇ ପୋଖରୀ ଦେଇ ଯାଉଥିବା ସମୟରେ ଖବର ପାଇ ପିରାହାଟ ଥାନା ଅଧିକାରୀ ଗୟାଧର ବେହେରା ଗାଡିକୁ ଅଟକାଇବା ପାଇଁ ଚେଷ୍ଟା କରୁଥିଲେ ।

ଏହି ସମୟରେ କୋଇଲା ବୋଝେଇ ପିକଅପ ଗାଡିଟି ପୋଲିସ ଗାଡିକୁ ଧକ୍କାଦେଇ ରାସ୍ତା ତଳକୁ ଖସିପଡିଥିଲା । ଡ୍ରାଇଭର ଫେରାର ଥିବା ବେଲେ, ୩୫କୁଇଣ୍ଟାଲ କୋଇଲା ଜବତ କରିଛି ପୋଲିସ । ତେବେ ଦୁର୍ଘଟଣାରେ ଅଳ୍ପକେ ବର୍ତ୍ତି ଯାଇଛନ୍ତି ଥାନା ଅଧିକାରୀ । ଏହି ଚୋରା କୋଇଲା ବେପାରରେ ନରେନ୍ଦ୍ର ଗାଁର ଜଣେ ମହିଳା ସାମିଲ ଥିବା ନେଇ ଚର୍ଚ୍ଚା ହେଉଛି।