‘ସେଭ୍ କୁକି ଲାଇଭସ’

ଇମ୍ଫାଲ (ବଡ଼ ଖବର ବ୍ୟୁରୋ): ପୁଣି ଉଗ୍ରରୂପ ନେଇଛି ମଣିପୁର ହିଂସା । କୁକି ଓ ମୈତି ସମ୍ପ୍ରଦାୟର ଲୋକଙ୍କ ମଧ୍ୟରେ ହିଂସା ଜାରି ରହିଛି । କିଛି ଦିନ ତଳେ ଏହି ହିଂସାରେ ଜଣେ ଯବାନଙ୍କ ସହିଦ ହୋଇଥିବାବେଳେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ନୂଆଦିଲ୍ଲୀ ସ୍ଥିତ ବାସଭବନ ବାହାରେ ଆନ୍ଦୋଳନ କରିଛନ୍ତି କୁକି ସମ୍ପ୍ରଦାୟର ଲୋକେ । ହାତରେ ‘ସେଭ୍ କୁକି ଲାଇଭ୍ସ’ ବାର୍ତ୍ତା ଥିବା ପ୍ଲାକାର୍ଡ ଧରି ଆନ୍ଦୋଳନକାରୀମାନେ ସ୍ଲୋଗାନ ଦେଇଛନ୍ତି।

ଆନ୍ଦୋଳନକାରୀଙ୍କ ମଧ୍ୟରୁ ୪ ଜଣଙ୍କୁ ଗୃହମନ୍ତ୍ରୀଙ୍କ ବାସଭବନ ଯିବାପାଇଁ ଅନୁମତି ମିଳିଛିା ଅନ୍ୟମାନଙ୍କୁ ଜନ୍ତର ମନ୍ତର ପଠାଇ ଦିଆଯାଇଛି। ମଣିପୁରରେ ଗତ ମେ’ ୩ ତାରିଖରୁ ଲାଗି ରହିଥିବା ହିଂସା ଯୋଗୁଁ ୧୦୦ରୁ ଅଧିକ ଲୋକଙ୍କ ମୃତ୍ୟୁ ହେଲାଣି। ୩୦୦ରୁ ଅଧିକ ଲୋକ ଆହତ ହୋଇଛନ୍ତି।