ହାତୀ ଦଳିଦେଲା

ସୁବର୍ଣ୍ଣପୁର (ବଡ଼ ଖବର ବ୍ୟୁରୋ): ହାତୀ ଆକ୍ରମଣରେ ସୁବର୍ଣ୍ଣପୁର ଜିଲ୍ଲାରେ ଜଣେ ବୃଦ୍ଧଙ୍କ ମୃତ୍ୟୁ ହୋଇଛି । ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ରେଞ୍ଜ ଅନ୍ତର୍ଗତ ହାତୀପାହୁଲ ଗାଁରେ । ହାତୀ ଘଉଡାଇବାକୁ ଯାଇ ହାତୀ ଆକ୍ରମଣର ଶିକାର ହୋଇଛନ୍ତି ଗାଁର ଉଗ୍ରସେନ ଭୋଇ । ଗୁରୁବାର ରାତିରେ ହାତୀପାହୁଲ ଗାଁକୁ ୪୦ପଟ ହାତୀ ଆସି ଧାନଫସଲ ନଷ୍ଟ କରୁଥିଲେ । ଖବର ପାଇ ଗ୍ରାମବାସୀ ହାତୀ ଘଉଡାଇବାକୁ ଯାଇଥିଲେ । ତେବେ ହାତୀପଲ ପାଲଟା ଆକ୍ରମଣ କରିବାରୁ ହାତୀ ହାବୁଡରେ ପଡିଯାଇଥିଲେ ଉଗ୍ରସେନ । ଫଳରେ ହାତୀପଲ ତାଙ୍କୁ କଚାଡି ମାରିଦେଇଥିଲେ । ଅନ୍ୟପକ୍ଷରେ ବନ ବିଭାଗ ଅଧିକାରୀ ସୂଚନା ପାଇବା ସତ୍ତ୍ୱେ ଘଟଣାସ୍ଥଳରେ ନପହଞ୍ଚିବା ଗ୍ରାମବାସୀଙ୍କୁ ବ୍ୟଥିତ କରିଛି ।