ପୁଣି ଲୋୟର ପିଏମଜିରେ ଗର୍ଜିଲେ ଶିକ୍ଷକ

ଭୁବନେଶ୍ୱର(ବଡ଼ ଖବର ବ୍ୟୁରୋ): ନିଜର ହକ୍ ପାଇବା ଦାବିରେ ୫୦ ହଜାର ରୁ ଉର୍ଦ୍ଧ୍ଵ ଶିକ୍ଷକ, ଶିକ୍ଷିକା ଓ ଶିକ୍ଷା କର୍ମଚାରୀ ରାଜରାସ୍ତାକୁ ଓହ୍ଲାଇଛନ୍ତି । ଆଜି ଦିନ ୧୨ ଘଟିକାରେ କଂଗ୍ରେସ ଭବନ ସାମ୍ନାରୁ ଏକ ବିଶାଳ ପଟୁଆର ବିଧାନସଭା ଅଭିମୁଖେ ବାହାରିଛି। ବିଭିନ୍ନ ଦୃଷ୍ଟିକୋଣରୁ ସରକାରୀ ଅବହେଳା ପାଇଁ ନିଜର ଅଧିକାରରୁ ବଞ୍ଚିତ ହୋଇଥିବା ଏହି ଶିକ୍ଷକ ଓ ଶିକ୍ଷା କର୍ମଚାରୀମାନେ ଏକାଠି ହୋଇ ସେମାନଙ୍କର ନ୍ୟାୟ ଦାବୀ ପୂରଣ ପାଇଁ ବିକ୍ଷୋଭ ପ୍ରଦର୍ଶନ କରିଛନ୍ତି । ଗୋଟିଏ ବିଦ୍ୟାଳୟ ଭିତରେ ସମାନ ଯୋଗ୍ୟତା ଥାଇ ମଧ୍ୟ ଶିକ୍ଷକମାନଙ୍କ ଭିତରେ ଦରମାରେ ଦେଖାଦେଇଛି ତାରତମ୍ୟ ।

ତାରତମ୍ୟ ରଖିନଥିବା କାରଣରୁ ରାଜ୍ୟ ସରକାରଙ୍କ ନିକଟରେ ଦାବୀ ରଖିବେ ଶିକ୍ଷକ। ଦାବି ରଖିଛନ୍ତି ଯେ ପ୍ରାଥମିକଠାରୁ ମାଧ୍ୟମିକ ପର୍ୟ୍ୟନ୍ତ ବିଦ୍ୟାଳୟ ଗୁଡ଼ିକରେ ଶୂନ୍ୟ ପଡିଥିବା ଶିକ୍ଷକ ଓ ପ୍ରଧାନଶିକ୍ଷକ ପଦବୀକୁ ତୁରନ୍ତ ପୂରଣ କରାଯାଉ । ଚାକିରୀରୁ ଅବସର ନେଇଯାଉଥିବା ଶିକ୍ଷକମାନଙ୍କର ପେନସନ୍, ଭବିଷ୍ୟନିଧି ପାଣ୍ଠି ମିଳିବାରେ ଅନିୟମିତତା ଦେଖାଯାଇଥିବା ଫଳରେ, ଶିକ୍ଷକମାନେ ଅମଲାତାନ୍ତ୍ରିକ ଚକ୍ରାନ୍ତର ଶିକାର ହୋଇ ବାରମ୍ବାର ଶିକ୍ଷାବିଭାଗର ବିଭିନ୍ନ ଦସ୍ତରକୁ ଦୌଡ଼ୁଛନ୍ତି । । ଏହି ଦିଗରେ ସରକାରୀ ନିର୍ଦ୍ଦେଶନାମା ସଂକଳ୍ପକୁ ସଠିକ ଭାବରେ କାର୍ୟ୍ୟକାରୀ କରାଯାଇନାହିଁ ବୋଲି ଓଷ୍ଟା ପକ୍ଷରୁ ପ୍ରକାଶ କରାଯାଇଛି ।