ମନ୍ତ୍ରୀ ଦିବ୍ୟଶଙ୍କରଙ୍କ ଇସ୍ତଫା ଦାବିରେ ଡିଜି ଅଫିସ ଘେରାଉ
କଟକ (ବଡ଼ ଖବର ବ୍ୟୁରୋ): ମହାଲିଙ୍ଗି ସ୍କୁଲର ଅଧ୍ୟାପିକା ମମିତା ମେହେର ହତ୍ୟା ଘଟଣାରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ଦାବିରେ ରାଜ୍ୟ ଯୁବ କଂଗ୍ରେସ ତରଫରୁ ଡିଜି ଅଫିସ ଘେରାଉ । ସୁରକ୍ଷା ଦୃଷ୍ଟି କୋଣରୁ ଡିଜି ଅଫିସରେ ଛାଉଣି ହୋଇଛନ୍ତି ପୋଲିସ । ଘଟଣାସ୍ଥଳରେ କଟକ ଡିସିପିଙ୍କ ସହ ବହୁ ବରିଷ୍ଠ ପୋଲିସ ଅଧିକାରୀ ଉପସ୍ଥିତ ଅଛନ୍ତି । ଡିଜି ଅଫିସ ଚାରିପାଖ ସମ୍ପୂର୍ଣ୍ଣ ତାର ଜାଲି ସହ ବ୍ୟାରିଗେଟ କରାଯାଇଛି ।
ସେପଟେ ମମିତା ମେହେର ହତ୍ୟା ମାମଲାରେ ବାପା ଦେଲେ ସାଘାଂତିକ ତଥ୍ୟ । ମମିତା ନିଖୋଜ ନେଇ ଗୋବିନ୍ଦ ଏତଲା ଲେଖାଇଥିଲେ । ମମିତା ନିଖୋଜ ପରେ ଆମେ ମହାଲିଙ୍ଗ କଲେଜକୁ ଯାଇଥିଲୁ । ସେଠାରେ ଗୋବିନ୍ଦ ସାହୁ ଥିଲେ । ଜଣେ କିରାଣିକୁ ଡାକି ଏତଲା ଲେଖାଇଥିଲେ । ମୁଁ ନପଢି ସେଥିରେ ଦସ୍ତଖତ କରିଥିଲି । ଆମେ ଯିବା ପୂର୍ବରୁ ଗୋବିନ୍ଦ ଆଗୁଆ କେଗାଁ ଥାନାକୁ ପଳାଇଲେ ।
ଗୋବିନ୍ଦ ପହଞ୍ଚିବାର ୧୦ ମିନିଟ ପରେ ଆମେ ପହଞ୍ଚିଲୁ । ଗୋବିନ୍ଦ ସାହୁ ଥାନା ବାବୁଙ୍କ ସହ କ’ଣ କଥା ହୋଇଥିଲା କେଜାଣି, ଆମେ ସେଠି ପହଞ୍ଚିଲା ବେଳକୁ ଥାନା ବାବୁ ଆମ ଏତଲା ରଖିଲେନି । ତୁରେକେଲା ଥାନାରେ ଏତଲା ଦିଅ ବୋଲି ଥାନା ବାବୁ କହିଲେ ।