ପ୍ରେସ ନୋଟ ଜାରି କଲା ନକ୍ସଲ ସଙ୍ଗଠନ

ମାଲକାନଗିରି (ବଡ଼ ଖବର ବ୍ୟୁରୋ): ମାଲକାନଗିରି ସୀମାନ୍ତ ଛତିଶଗଡ କାଙ୍କେର ଜିଲ୍ଲାର ଆପାଟୋଲା ଏନକାଉଣ୍ଟର ଘଟଣାର ଜାରି କଲେ ପ୍ରେସ ନୋଟ। ଗୁଳି ବିନିମୟରେ ମୃତ୍ୟୁ ହୋଇଥିବା ୨୯ ଜଣ ନକ୍ସଲଙ୍କ ପରିଚୟ ଉଲ୍ଲେଖ କରିଛନ୍ତି। ୧୭ ଜଣ ନିରସ୍ତ୍ର ନକ୍ସଲଙ୍କୁ ଜୀବନ୍ତ କାବୁ କରି ଗୁଳି କରିଥିବା ଅଭିଯୋଗ କରିଛି ନକ୍ସଲ ସଂଗଠନ। ୨୫ ଏପ୍ରିଲରେ ନାରାୟଣପୁର , କାଙ୍କେର , ମୋହଲା ଏବଂ ମାନପୁର ବନ୍ଦ ରଖିବା ପାଇଁ ଏକ ଆହ୍ବାନ ମଧ୍ୟ ଉଲ୍ଲେଖ ରହିଛି।

ପ୍ରେସ ବିଜ୍ଞପ୍ତିରେ ଘଟଣାର ବିସ୍ତୃତ ବିବରଣୀ ଦିଆଯାଇଛି। ସୂଚନାଦାତାଙ୍କ ସୂଚନା ପରେ ପୁଲିସ ଏହି ଘଟଣାକୁ ଘଟାଇଥିବା କହିଛନ୍ତି। ମୁଖ୍ୟମନ୍ତ୍ରୀ ବିଷ୍ଣୁଦେବ ସାଇଙ୍କ ସହ ବସ୍ତର ଏବଂ ପୂରା ଛତିଶଗଡର ବିଜେପି ନେତାମାନଙ୍କୁ ଟାର୍ଗେଟ କରିଛି ନକ୍ସଲ ସଂଗଠନ। ଆପାଟୋଲା ଏନକାଉଣ୍ଟରର ନ୍ୟାୟିକ ଯାଞ୍ଚ କରାଯାଉ ବୋଲି ଲେଖିଛନ୍ତି । ନକ୍ସଲ ସଂଗଠନର ଉତ୍ତର ସବ ଜୋନାଲ ବ୍ୟୁରୋଙ୍କ ଦ୍ବାରା ଜାରି କରାଯାଇଛି ଏହି ପ୍ରେସ ନୋଟ୍।