ନଦୀ ଉପରୁ ଦୁଇ ଯୁବତୀ ଉଭାନ

ତୁଷୁରା, (ବଡ଼ ଖବର ବ୍ୟୁରୋ): ବ୍ରିଜ୍ ଉପରେ ସ୍କୁଟି ରଖି ଦୁଇ ଯୁବତୀ ନିଖୋଜ । ବଲାଙ୍ଗିର ଜିଲ୍ଲା ତୁଷୁରା ଥାନା ଅନ୍ତର୍ଗତ ତୁଷୁରା-ଗୁଡ଼ଭେଲା ରାସ୍ତାରେ ଥିବା ତେଲ ନଦୀ ବ୍ରିଜ୍ ଉପରେ ସ୍କୁଟି ରଖି ୨ଯୁବତୀ କେଉଁଆଡ଼େ ନିଖୋଜ ହୋଇଯାଇଛନ୍ତି । ବ୍ରିଜ୍ ଉପରେ ଯୁବତିଙ୍କ ସ୍କୁଟି ସହ ଦୁଇ ହଳ ଚପଲ ପଡ଼ିଥିବାର ଦେଖିବାକୁ ମିଳିଛି । ତେବେ ଯୁବତୀ ଦ୍ୱୟ ନଦୀକୁ ଡ଼େଇଁ ଅତ୍ମହତ୍ୟା କରିଛନ୍ତି କି ତାଙ୍କୁ କେହି ଅପହରଣ କରିଛି ତାହା ସ୍ପଷ୍ଟ ହୋଇନାହିଁ । ଖବର ପାଇ ଗୁଡ଼େବାହଲ ପୋଲିସ, ଅଗ୍ନିଶମ କର୍ମଚାରୀ ନଦୀରେ ଉଦ୍ଧାର କାର୍ଯ୍ୟ ଜାରୀ ରଖିଛନ୍ତି । ବର୍ତମାନ ସୁଦ୍ଧା ଯୁବତୀ ଦ୍ୱୟଙ୍କର କୌଣଷି ପତ୍ତା ମିଳିନାହିଁ ।