ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଭାରତରେ କରୋନା ମହାମାରୀ ଆୟତ୍ତ୍ୱ ହେବାରେ ଲାଗିଛି । ସେପଟେ କିଛିଦିନ ପୂର୍ବରୁ ଭାରତ ଖୁବ କମ ଦିନରେ ୧୦୦ କୋଟି ଟିକାକରଣ କ୍ଲବରେ ପହଞ୍ଚିଛି । ହେଲେ ଏହା ମଧ୍ୟରେ ସାମ୍ନାକୁ ଆସିଛି ଆଉ ଏକ ଭାରିଆଣ୍ଟ । ଏହି ଭାରିଆଣ୍ଟକୁ ଡେଲଟା ପ୍ଲସ-ଏୱାଇ.୪.୨ ବୋଲି ଚିହ୍ନଟ କରାଯାଇଛି । ମଧ୍ୟପ୍ରଦେଶ ଏବଂ ମହାରାଷ୍ଟ୍ରରେ ସାର୍ସ କୋଭ-୨ର ଡେଲଟା ଭାରିଆଣ୍ଟର ସବଲାଇନ ମାମଲା ଚିହ୍ନଟ ହେବା ପରେ ଭାରତର କରୋନା ଜେନୋମିକ ସର୍ଭିଲାନ୍ସ ପ୍ରୋଜେକ୍ଟ ହାଇ ଆଲର୍ଟରେ ରହିଛି ।
ସେପଟେ ଜାତୀୟ ରୋଗ ନିୟନ୍ତ୍ରଣ କେନ୍ଦ୍ର ଦ୍ୱାରା ପ୍ରକାଶିତ ଜେନୋମ ସିକ୍ୱେନ୍ସିଂ ରିପୋର୍ଟରେ ଇନ୍ଦୋରରେ ଏହି ନୂତନ ପ୍ରକାରର ୭ଟି ମାମଲା ଚିହ୍ନଟ ହୋଇଛି । ସଂକ୍ରମିତ ଲୋକଙ୍କ ମଧ୍ୟରେ ୨ ଜଣ ମୋହ କ୍ୟାଣ୍ଟନମେଣ୍ଟରେ ପୋଷ୍ଟ ହୋଇଥିବା ସେନା ଅଧିକାରୀ ମଧ୍ୟ ରହିଛନ୍ତି ବୋଲି ଇନ୍ଦୋରର ମୁଖ୍ୟ ଚିକିତ୍ସା ଏବଂ ସ୍ୱାସ୍ଥ୍ୟ ଅଧିକାରୀ ଡ. ବି.ଏସ. ସୈତ୍ୟ କହିଛନ୍ତି ।
