ଆସନ୍ତା ସପ୍ତାହରେ ପେଗାସସ୍ ମାମଲାର ଶୁଣାଣି

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆସନ୍ତା ସପ୍ତାହରେ ହେବ ପେଗାସସ୍ ମାମଲାର ଶୁଣାଣି । ପେଗାସସ୍ ଗୁଇନ୍ଦାଗିରି ପ୍ରସଙ୍ଗର ସ୍ୱତନ୍ତ୍ର ତଦନ୍ତ କରିବା ପାଇଁ ସୁପ୍ରିମ କୋର୍ଟରେ ହୋଇଥିବା ଜନସ୍ୱାର୍ଥ ମାମଲାର ଶୁଣାଣି ଆସନ୍ତା ସପ୍ତାହରେ ହେବ । ଶୁକ୍ରବାର ସୁପ୍ରିମକୋର୍ଟ ଏହା କହିଛନ୍ତି ।

ବରିଷ୍ଠ ସାମ୍ବାଦିକ ଏନ ରାମ୍ ଏବଂ ଶଶୀ କୁମାରଙ୍କ ପକ୍ଷରୁ ଏହି ମାମଲାର ତଦନ୍ତ ଜଣେ କାର୍ଯ୍ୟରତ କିମ୍ବା ପୂର୍ବତନ ବିଚାରପତିଙ୍କ ନେତୃତ୍ୱରେ କରିବା ପାଇଁ ଆବେଦନ କରାଯାଇଛି । ସେମାନଙ୍କ ପକ୍ଷରୁ ଏହି ମାମଲାର ପରିଚାଳନା ବରିଷ୍ଠ ଆଇନଜୀବୀ କପିଲ ସିବଲ କରୁଛନ୍ତି ।

ଉକ୍ତ ମାମଲାକୁ ତାଲିକାଭୁକ୍ତ କରିବା ପାଇଁ ସିବଲ ପ୍ରଧାନ ବିଚାରପତି ଏନ ଭି ରମଣାଙ୍କୁ ଅନୁରୋଧ କରୁଥିଲେ । ପେଗାସସ୍ ଏକ ପ୍ରସଙ୍ଗ ନୁହେଁ ବୋଲି ସରକାର କହିଛନ୍ତି । ଦ୍ୱିତୀୟ ସପ୍ତାହ ବି ହଟ୍ଟଗୋଳରେ ଗଲା । ତେବେ ସଂସାଦ ସୋମବାର ପର୍ଯ୍ୟନ୍ତ ମୁଲତବୀ ରହିବ ।