ବିଜେଡିର ପଦଯାତ୍ରାକୁ ବିରୋଧ କଲେ ଗ୍ରାମବାସୀ, ଅଧାରୁ ଫେରିଲା ପଦଯାତ୍ରା

ବାରିପଦା (ବଡ଼ ଖବର ବ୍ୟୁରୋ):ବିଜେଡିର ପଦଯାତ୍ରାକୁ ଗ୍ରାମବାସୀଙ୍କ ବିରୋଧ । ଅଧା ବାଟରୁ ଫେରିଲା ପଦଯାତ୍ରା । ମୟୂରଭଞ୍ଜ ରାସଗୋବିନ୍ଦପୁର ଝାଟିଅଡା ପଂଚାୟତରୁ ଏଭଳି ଦୃଶ୍ୟ ସାମ୍ନାକୁ ଆସିଛି । ଅଂଚଳର ବିକାଶ ହୋଇନଥିବାରୁ ବିରୋଧ କରିଥିବା ଜଣାପଡ଼ିଛି । ସେପଟେ ମୋରଡ଼ା ବିଧାୟକଙ୍କ ବିରୋଧରେ ଅସନ୍ତୋଷ ବଢୁଥିବା ରାଜନୈତିକ ମହଲରେ ଚର୍ଚ୍ଚା ହେଉଛି । ବିଜେଡି ଦଳ ପକ୍ଷରୁ ଅକ୍ଟୋବର ୨ ଗାନ୍ଧି ଜୟନ୍ତିରୁ ଚାଲିଛି ଜନସଂପର୍କ ପଦଯାତ୍ରା । ମୟୂରଭଞ୍ଜ ରାସଗୋବିନ୍ଦପୁର ଝାଟିଅଡା ପଂଚାୟତରେ ଜନସଂପର୍କ ପଦଯାତ୍ରା ଚାଲିଥିବା ବେଳେ ବିଜେଡି ନେତାଙ୍କୁ ବିରୋଧ ପ୍ରଦର୍ଶନ କରିଥବବା ଦୃଶ୍ୟ ଦେଖିବାକୁ ମିଳିଛି । ମୋରଡ଼ା ବିଧାୟକ ରାଜକିଶୋର ଦାସଙ୍କ ନିର୍ବାଚନ ମଣ୍ଡଳରୁ ଏ ଦୃଶ୍ୟ ଆସିଥିବା ବେଳେ ବିଧାୟକଙ୍କ ବିରୋଧରେ ବିଦ୍ରୋହର ସ୍ୱର ଆଭାସ ମିଳୁଛି ।