ଦିଲ୍ଲୀ ହାଇକୋର୍ଟ ଗଲେ ମନୀଷ ସିସୋଦିଆ

ଦିଲ୍ଲୀ(ବଡ଼ ଖବର ବ୍ୟୁରୋ): ଦିଲ୍ଲୀ ହାଇକୋର୍ଟ ଗଲେ ମନୀଷ ସିସୋଦିଆ । ମଦ ଦୁର୍ନୀତି ମାମଲାରେ ଗିରଫ ହୋଇ ଜେଲ୍‌ରେ ରହିଛନ୍ତି ମନିଷ ସିସୋଦିଆ । ରାଉଜ ଆଭେନ୍ୟୁ କୋର୍ଟ ଓ ସୁପ୍ରିମକୋର୍ଟରେ ଦିଲ୍ଲୀ ପୂର୍ବତନ ଉପ-ମୁଖ୍ୟମନ୍ତ୍ରୀ ଜାମିନ ଆବେଦନ ଖାରଜ ହେବା ପରେ । ସେ ବର୍ତମାନ ଦିଲ୍ଲୀ ହାଇକୋର୍ଟର ଦ୍ୱାରସ୍ଥ ହୋଇଛନ୍ତି । ଏହି ମାମଲାର ପରବର୍ତ୍ତୀ ଶୁଣାଣି ଆସନ୍ତା ଶୁକ୍ରବାର ହେବ ।

ସିବିଆଇ ଓ ଇଡି ଉଭୟ ମାମଲାର ଜାମିନ ପାଇଁ ହାଇକୋର୍ଟର ଦ୍ୱାରସ୍ଥ ହୋଇଛନ୍ତି । ଏହି ମାମଲାର ଶୁଣାଣି ଜଷ୍ଟିସ୍‌ ମନମୋହନ ଓ ଜଷ୍ଟିସ ମନମିତ ପିଏସ୍‌ ଅରୋରାଙ୍କ ଖଣ୍ଡପୀଠ ଶୁକ୍ରବାର ହେବା ନେଇ ଜଣାପଡିଛି । ସୂଚନାରୁ ଆନୁସାରେ ଦିଲ୍ଲୀ ମଦ ଦୁର୍ନୀତି ମାମଲାରେ ଗତ ବର୍ଷ ଫେବ୍ରୁଆରୀରେ ସିବିଆଇ ମନୀଷ ସିସୋଦିଆଙ୍କୁ ଗିରଫ କରିଥିଲା। ଏହାପରେ ଏହି ମାମଲାର ଟଙ୍କା ହେରଫେର ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କୁ ଗିରଫ କରିଥିଲା।