ଆଜି ସିଭିଲ୍ ସର୍ଭିସ୍ (ପ୍ରିଲିମ୍) ପରୀକ୍ଷା
ଭୁବନେଶ୍ୱର: ଆଜି ଅନୁଷ୍ଠିତ ହେବାକୁ ଯାଉଛି ସିଭିଲ୍ ସର୍ଭିସ୍ (ପ୍ରିଲିମ୍)ପରୀକ୍ଷା । ପୂର୍ବାହ୍ନ ୯ଟା ୩୦ରେ ପ୍ରଥମ ସିଟିଂ ଥିବା ବେଳେ ଅପରାହ୍ନ ୨ଟାରେ ଦ୍ୱିତୀୟ ସିଂଟି ପରୀକ୍ଷା କରାଯିବ । ପରୀକ୍ଷାର୍ଥୀଙ୍କୁ ଇ-ଆଡମିଟ୍ କାର୍ଡ ଅନଲାଇନ୍ ଜରିଆରେ ପ୍ରଦାନ କରାଯାଇଛି । ଇ-ଆଡମିଟ୍ କାର୍ଡ ସାଙ୍ଗରେ ନେଇ ପରୀକ୍ଷାର୍ଥୀ ପରୀକ୍ଷା କେନ୍ଦ୍ରକୁ ଆସିବେ । ଚଳିତବର୍ଷ ୮ ଲକ୍ଷରୁ ଅଧିକ ଛାତ୍ରଛାତ୍ରୀ ଏହି ପରୀକ୍ଷା ଦେବେ ।
ଅନ୍ୟପଟେ କରୋନା ସଂକ୍ରମଣକୁ ଦୃଷ୍ଟିରେ ରଖି ପରୀକ୍ଷାକେନ୍ଦ୍ରଗୁଡିକରେ ବ୍ୟାପକ ପ୍ରସ୍ତୁତି କରାଯାଇଛି । ମାସ୍କ ବା ଫେସ୍ କଭର ପିନ୍ଧିବା ବାଧ୍ୟତାମୂଳକ କରାଯାଇଛି । ପରୀକ୍ଷାକେନ୍ଦ୍ରରେ ସାମାଜିକ ଦୂରତା ରକ୍ଷା କରାଯିବ । ଏହାସହ ପରୀକ୍ଷା କେନ୍ଦ୍ର ହୋଇଥିବା ସହରଗୁଡିକୁ ପୂର୍ବତଟ ରେଳପଥ ପକ୍ଷରୁ ୯ଟି ସ୍ୱତନ୍ତ୍ର ଟ୍ରେନ୍ ଚଳାଚଳ କରୁଛି ।