ଟାଟା ପାୱାରକୁ ଓଏଚଆରସିଙ୍କ ଛାଟ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଟାଟା ପାୱାରକୁ ଓଏଚଆରସିଙ୍କ ଛାଟ । ବକେୟା ବିଦ୍ୟୁତ ପାଇଁ ଭୁବନେଶ୍ୱର ଡମଣାରେ ଥିବା ଏକ ହଷ୍ଟେଲରୁ ସଂଯୋଗ ବିଛିନ୍ନ କରିଥିଲା ଟାଟା । ଏହାଦ୍ୱାରା ହଷ୍ଟେଲ ଅନ୍ତେବାସୀଙ୍କ ମାନବାଧିକାର କ୍ଷୁର୍ଣ୍ଣ ହୋଇଥିିବା ନେଇ ରାଜ୍ୟ ମାନାବାଧିକାର କମିଶନଙ୍କ ନିକଟରେ ମାମଲା ଦାୟର ହୋଇଥିଲା ।

ଯାହାର ବିଚାର କରି ଆଜି କମିଶନଙ୍କ ପକ୍ଷରୁ ଅନ୍ୟାଦେଶ ନଆସିବା ପର୍ଯ୍ୟନ୍ତ ହଷ୍ଟେଲକୁ ୨୪ ଘଣ୍ଟିଆ ବିଦ୍ୟୁତ ସଂଯୋଗ କରିବା ପାଇ ନିର୍ଦ୍ଦେଶ ଦିଆଯାଇଛି । ଏହି ମାମଲାର ପରବର୍ତ୍ତୀ ଶୁଣାଣି ଆସନ୍ତା କାଲି ହେବ । ଦିନକୁ ଦିନ ଟାଟା ପାୱାରର ମନମାନୀ ଦ୍ୱାରା ଉପଭୋକ୍ତା ମାନେ ଅଯଥା ହଇରାଣ ହେଉଛନ୍ତି । ବାରମ୍ବାର ଖାଉଟି ମାନେ ଦାବି କରିବା ପରେ ମଧ୍ୟ ଟାଟା କତ୍ତୃପକ୍ଷ ଶୁଣୁନଥିବା ଅଭିଯୋଗ ହୋଇ ଆସୁଛି ।